ଦେଢ଼ମାସର ଶିଶୁ ସହ ପତ୍ନୀ ଓ ତିନିଜଣଙ୍କୁ ହତ୍ୟାକଲେ ଏଲଆଇସି ଏଜେଣ୍ଟ
ସିମଡେଗା: ଘରୋଇ କଳହ ଯୋଗୁଁ ନିଜର ଦେଢ଼ମାସର ଶିଶୁ ସହ ପତ୍ନୀ ଓ ତିନିଜଣଙ୍କୁ ହତ୍ୟା କଲେ ଦୃବୁର୍ତ୍ତ | ଝାଡ଼ଖଣ୍ଡର ଖିଜୁରଦିହ ଗ୍ରାମରେ ଏମିତି ଏକ ଅଭାବନୀୟ ଘଟଣା ଘଟିଛି | ମିଳିଥିବା ସୂଚନା ମୁତାବକ ଏଲଆଇସି ଏଜେଣ୍ଟ ଭାବେ କାମ କରୁଥିବା ପିଙ୍ଗଳ ହେରୋ ନାମକ ବ୍ୟକ୍ତି ନିଜ ପରିବାରର ତିନିଜଣ ସଦସ୍ୟଙ୍କୁ ହତ୍ୟା କରିଛନ୍ତି । ମୃତକଙ୍କ ମଧ୍ୟରେ ଦୁଇଜଣ ମହିଳା ଏବଂ ଦେଢ଼ ବର୍ଷର ଝିଅ ଅଛନ୍ତି। ଅଭିଯୁକ୍ତ ପିଙ୍ଗଲ ହୋରୋକୁ ପୁଲିସ ଅଭିଯୁକ୍ତକୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଅଭିଯୁକ୍ତ ତାଙ୍କ ପତ୍ନୀଙ୍କୁ ଶ୍ୱଶୁରଘରୁ ତାଙ୍କ ଘରକୁ ନେବାକୁ ଚାହୁଁଥିଲା। ଏହାକୁ ନେଇ ଏକ ବିବାଦ ଦେଖାଦେଇଥିଲା, ଏହା ପରେ ସେ ପତ୍ନୀ ଜ୍ୟୋତି ବେକ୍ ଏବଂ ପତ୍ନୀଙ୍କ ଭାଉଜ ଶୁଚିତା ବେକଙ୍କୁ ଏକ କୋଦାଳ ସାହାଯ୍ୟରେ ହତ୍ୟା କରିଥିଲେ। ଏହାପରେ ସେ ତାଙ୍କର ଦେଢ଼ ମାସର ଶିଶୁକୁ ମଧ୍ୟ ଅତି ନିର୍ମମ ଭାବେ ହତ୍ୟା କରିଥିଲେ।
ପୁଲିସ ଇନ୍ସପେକ୍ଟର ଦୟାନନ୍ଦ କୁମାର କହିଛନ୍ତି ଯେ ହତ୍ୟାକାଣ୍ଡର କାରଣ ଜଣା ପଡିନାହିଁ। ତେବେ ଜଣାପଡୁଛି ଯେ ଅଭିଯୁକ୍ତଙ୍କ ପତ୍ନୀଙ୍କ ସହ ସମ୍ପର୍କ ଠିକ୍ ନଥିଲା। ଉଭୟଙ୍କ ମଧ୍ୟରେ ତିକ୍ତତା ଦେଖାଦେଇଥିଲା। ଏହି କ୍ରମରେ, ଏହି ହତ୍ୟାକାଣ୍ଡ ଘଟାଇଥିବାର ପୁଲିସ ସନ୍ଦେହ କରିଛି |