ଚନ୍ଦକା ଜଙ୍ଗଲକୁ ଆଣି ପ୍ରେମିକାର ମୁଣ୍ଡ କାଟିଲା ପ୍ରେମିକ: ଧରାପଡ଼ିବା ପରେ ମାନିଲା ସତ
ଭୁବନେଶ୍ବର: ପ୍ରେମିକର ସାଙ୍ଘାତିକ କାରନାମା ପଦାକୁ ଆସିଛି । ପ୍ରେମିକାର ମୁଣ୍ଡ କାଟି ହତ୍ୟା କରିଛି ପ୍ରେମିକ । ଚନ୍ଦକା ଜଙ୍ଗଲରୁ ଉଦ୍ଧାର ହୋଇଛି ଯୁବତୀଙ୍କ ମୁଣ୍ଡ କଟା ମୃତଦେହ । ପୁରୀ ଜିଲ୍ଲା ସତ୍ୟବାଦୀ ପୁଲିସ ଓ ଭୁବନେଶ୍ବରର ଖଣ୍ଡଗିରି ଥାନା ପୁଲିସ ଏହି ମୃତଦେହକୁ ଜବତ କରିଛନ୍ତି । ତେବେ ମୃତ ଯୁବତୀଙ୍କୁ ତା’ର ପ୍ରେମିକ ମୁଣ୍ଡ କାଟି ହତ୍ୟା କରିଥିବା ସ୍ପଷ୍ଟ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମୃତ ଯୁବତୀ ଜଣକ ହେଲେ ସତ୍ୟବାଦୀ ଥାନା ଅଂଚଳର ସସ୍ମିତା ବିଶ୍ୱାଳ । ସସ୍ମିତାଙ୍କ ନିଖୋଜ ନେଇ ଗତ ୧୫ ତାରିଖରେ ତାଙ୍କ ପରିବାର ପକ୍ଷରୁ ସତ୍ୟବାଦୀ ଥାନାରେ ଏତଲା ଦିଆଯାଇଥିଲା । ପୁଲିସ ଖୋଳତାଡ କରି ଯୁବତୀଙ୍କୁ ନେଇ ଫେରାର ହୋଇଥିବା ତାଙ୍କ ତଥାକଥିତ ପ୍ରେମିକ ଯୁଧିଷ୍ଟିର ସ୍ୱାଇଁକୁ ଗିରଫ କରିଥିଲା । ଆଉ ଜେରା ବେଳେ ସସ୍ମିତାଙ୍କୁ ହତ୍ୟା କରିଥିବା କଥା ପୁଲିସ ଆଗରେ ମାନିଥିଲା ଯୁଧିଷ୍ଟିର । କେବଳ ଏତିକି ନୁହେଁ, ପ୍ରେମିକାକୁ ହତ୍ୟା କଲା ତା’ର ଡେମୋ ମଧ୍ୟ ଦେଖାଇଛି ଅଭିଯୁକ୍ତ । ଆଜି ଅଭିଯୁକ୍ତକୁ ସାଙ୍ଗରେ ନେଇ ସତ୍ୟବାଦୀ ପୁଲିସ ଓ ଖଣ୍ଡଗିରି ପୁଲିସ ଚନ୍ଦକା ଜଙ୍ଗଲରୁ ସସ୍ମିତାଙ୍କ ମୁଣ୍ଡ କଟା ମୃତଦେହ ଉଦ୍ଧାର କରିଛନ୍ତି ।
ଅନ୍ୟ ପକ୍ଷରେ ପରିବାର ଲୋକେ ଝିଅକୁ ଦୁଷ୍କର୍ମ କରାଯାଇ ପରେ ହତ୍ୟା କରାଯାଇଥିବା ଅଭିଯୋଗ କରିଛନ୍ତି।