ଚିକିତ୍ସା ପାଇଁ ଟଙ୍କା ନଥିବାରୁ ୭ମାସର ଶିଶୁକୁ ହତ୍ୟା କଲା ମା’
ଖଣ୍ଡଓ୍ଵା(ମଧ୍ୟପ୍ରଦେଶ) : ମଧ୍ୟପ୍ରଦେଶର ଖଣ୍ଡଓ୍ଵାରେ ଏକ ଦୁଃଖଦାୟକ ଘଟଣା ଘଟିଛି । ଏଠାରେ ଜଣେ ମା’ ନିଜ ୭ମାସର ଶିଶୁକୁ ହତ୍ୟା କରିଥିବା ସାମ୍ନାକୁ ଆସିଛି । ହତ୍ୟା କରିବା ପରେ ମା’ ନିଜ ଛୁଆକୁ ଅନେକ ସମୟ ପର୍ଯ୍ୟନ୍ତ କୋଳେଇ ବସିଥିଲେ ବୋଲି ଜଣା ପଡ଼ିଛି । ତେବେ ହତ୍ୟା କରିବା ପଛର କାରଣ ସମସ୍ତଙ୍କୁ ଆଶ୍ଚର୍ଯ୍ୟ କରିବା ସହ ସସମସ୍ତଙ୍କ ଆଖିରେ ଲୁହା ଆଣିଛି । ଅଭିଯୁକ୍ତ ମହିଳାଜଣଙ୍କ ଚିକିତ୍ସା ପାଇଁ ଟଙ୍କା ନଥିବାରୁ ଏଭଳି ପଦକ୍ଷେପ ନେଇଥିବା କହିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ମହିଳା ଏବଂ ତାଙ୍କ ସ୍ୱାମୀ ପୁଅ ଆଶ ରଖିଥିବା ବେଳେ ଦୁଇଟି ଝିଅ ଜନ୍ମ ହୋଇଥିଲା । ଯାହାକୁ ନେଇ ଉଭୟ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ହେବା ସହ ଅଭିଯୁକ୍ତ ମହିଳାଙ୍କ ସ୍ୱାମୀ ଘର ଛାଡ଼ି ଚାଲି ଯାଇଥିଲେ । ଯାହା ପରେ ମହିଳାଙ୍କୁ ଏକାକୀ ଘର ଚଳାଇବାକୁ ପଡ଼ିଥିଲା । ଆର୍ଥିକ ଅବସ୍ଥା ଖରାପ ହେବା ସହ ୭ମାସର ଝିଅ ଦେହ ମଧ୍ୟ ଖରାପ ହେବାକୁ ଲାଗିଥିଲା । ଡ଼ାକ୍ତରଙ୍କୁ ଦେଖାଇବା ସତ୍ତ୍ୱେ ଭଲ ନ ହେବାରୁ ବାଧ୍ୟ ହୋଇ ମହିଳା ଏଭଳି ପଦକ୍ଷେପ ନେଇଥିଲେ ।