ଛତିଶଗଡ଼: ସ୍ବାମୀ-ସ୍ତ୍ରୀଙ୍କ ମଧ୍ୟରେ ଲଢ଼େଇ ଝଗଡ଼ା ତ ଲାଗି ରହିଥାଏ। ଅନେକ ଥର ଛୋଟଛୋଟ କଥାକୁ ନେଇ ଦୁହିଁଙ୍କ ମଧ୍ୟରେ କଥା କଟାକଟି ଆରମ୍ଭ ହୋଇଯାଇଥାଏ। ଛତିଶଗଡ଼ର ଏକ ଗ୍ରାମରେ ଜଣେ ବ୍ୟକ୍ତି ନିଜ ସ୍ତ୍ରୀ ଉପରେ ରାଗି ବିଜୁଳି ଖୁଣ୍ଟ ଉପରେ ଚଢ଼ି ଯାଇଥିଲେ। ଆଉ ଅନେକ ସମୟ ଧରି ଘଟଣାସ୍ଥଳରେ ହାଏଭୋଲଟେଜ ଡ୍ରାମା ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା ଛତିଶଗଡ଼ ବଲରାମୁରରେ ଘଟିଛି। ଏଠାରେ ଜଣେ ମହିଳା ତାଙ୍କ ସ୍ବାମୀଙ୍କୁ କିଛି ନକହି ଘରୁ କେଉଁଆଡେ ଚାଲି ଯାଇଥିଲେ। ବହୁ ଖୋଜାଖୋଜି ପରେ ସ୍ତ୍ରୀକୁ ଘରେ ନପାଇବାରୁ ମଦ୍ୟପାନ କରିଥିବା ସ୍ବାମୀ ରାଗି ଯାଇ ନିକଟସ୍ଥ ବିଦ୍ୟୁତ ଖମ୍ଭ ଉପରେ ଚଢ଼ି ଯାଇଥିଲେ।
Chhattisgarh: A man climbed on an electricity pole in Balrampur yesterday; he was rescued by a police team.
“He was upset as his wife had gone somewhere without informing him. He appeared to be intoxicated,” said police pic.twitter.com/tUDVZQMeuP
— ANI (@ANI) March 5, 2021
ସ୍ଥାନୀୟଲୋକ ଉକ୍ତ ଯୁବକଙ୍କୁ ଅନେକ ବୁଝାସୁଝା କରିବା ପରେ ବି ସେ କାହାରି କିଛି କଥା ଶୁଣି ନଥିଲେ। ଏହାପରେ ଲୋକମାନେ ଏ ଘଟଣା ସମ୍ପର୍କରେ ପୁଲିସରେ ଖବର ଦେଇଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କ ଗୋଡ଼କୁ ଟାଣି ତଳକୁ ଓହ୍ଲାଇବା ପାଇଁ ବାଧ୍ୟ କରିଥିଲା।