ନାବାଳିକା ପ୍ରେମରେ ପଡ଼ିବା କାଳହେଲା! ପ୍ରତାରିତ ହୋଇ ଆତ୍ମହତ୍ୟା କଲେ ୧୯ବର୍ଷିୟ ଯୁବକ
ନୂଆଦିଲ୍ଲୀ :ଭାରତର ରାଜଧାନୀ ଦିଲ୍ଲୀରେ ଘଟିଛି ଏକ ହୃଦୟ ବିଦାରକ ଘଟଣା । ପ୍ରେମରେ ପ୍ରତାରିତ ହୋଇ ଜଣେ ୧୯ବର୍ଷିୟ ଯୁବକ ନିଜର ଜୀବନ ହାରିଥିବା ଜଣାପଡ଼ିଛି । ଆତ୍ମହତ୍ୟା କରିବା ପୂର୍ବରୁ ଏଥି ପାଇଁ ତାଙ୍କ ୧୩ ବର୍ଷିୟା ପ୍ରେମିକା ଦାୟୀ ବୋଲି ଲେଖିଥିବା ଏକ ଚିଠି ପୁଲିସ ଉଦ୍ଧାର କରିଛି । ଚିଠିରେ ଯୁବକ ଜଣକ ତାଙ୍କ ଜୀବନରେ ଆସିଥିବା ସବୁ ଦୁଃଖ ପାଇଁ ତାଙ୍କ ପ୍ରେମିକା ଦାୟୀ ବୋଲି ଲେଖିଛନ୍ତି । ତଦନ୍ତ ପରେ ଆତ୍ମହତ୍ୟା କରିଥିବା ରାଜବୀରଙ୍କ ପ୍ରେମିକା ଆଗରୁ ଜଣେ ଯୁବକଙ୍କୁ ଫସାଇ ତାଙ୍କୁ ଜେଲ ପଠାଇ ସାରିଛନ୍ତି ବୋଲି ଜଣା ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ବର୍ଷ ପୂର୍ବରୁ ସତ୍ପାଲ ତାଙ୍କ ପରିବାରକୁ ନେଇ ଗାନ୍ଧି ନଗରରେ ରହିବା ଆରମ୍ଭ କରିଥିଲେ। ଘର ଚଳାଇବା ପାଇଁ ସତ୍ପାଲ ଟେଲର୍ ଦୋକାନ ଆରମ୍ଭ କରିଥିଲେ । ଧୀରେ ଧୀରେ ତାଙ୍କର ବ୍ୟବସାୟ ବଢ଼ିବା ସହ ଭଲ ଆୟ ମଧ୍ୟ ହୋଇଥିଲା । ଠିକ୍ ସେହି ସମୟରେ ରାଜବୀର ଜଣେ ୧୩ବର୍ଷିୟ ନାବାଳିକାଙ୍କ ପ୍ରେମରେ ପଡ଼ି ଯାଇଥିଲେ, ଯାହା ପରେ ତାଙ୍କୁ କାଙ୍ଗାଳ କରି ଦେଇଥିଲା । ନାବାଳିକା ଜଣକ ସବୁ ଟଙ୍କା ନେବା ସହ ତାଙ୍କୁ ଧୋକା ଦେଇଥିଲା । ଯେଉଁଥି ପାଇଁ ରାଜବୀର ନିଜ ଜୀବନ ହାରିବା ପାଇଁ ନିଷ୍ପତ୍ତିି ନେଇଥିଲେ । ରାଜବୀରଙ୍କ ମୃତଦେହ ନିକଟରୁ ଉଦ୍ଧାର କରାଯାଇଥିବା ଚିଠିରେ ଲେଖାଯାଇଛି , “ମୁଁ ତୋ ଭଲ ପାଇବା ପାଇଁ ଦୁନିଆର ସବୁ ଖୁସି ତତେ ଦେଇଥିଲି । ତୋ ପାଇଁ ମା’-ବାପାଙ୍କୁ ଛାଡ଼ି ମୁଁ ମଦ ପିିଇବା ଆରମ୍ଭ କରିଥିଲି । ତୋ ପାଇଁ ମୋ ବ୍ୟବସାୟରେ ଘାଟା ହେଲା । ମୋ ମା’-ବାପାଙ୍କର ମୋ ଉପରୁ ବିଶ୍ୱାସ ଉଠିଗଲା । ତୋ ପାଇଁ ମୁଁ କରଜରେ ଡୁବିଗଲି। ଏତେ ସବୁ କରି ବି ତୁ ମୋତେ ଧୋକା ଦେଲୁ । ମୁଁ ମରିବା ପରେ ଏହି ଚିଠି ମୋ ଧୋକେବାଜ୍ ପ୍ରେମିକାକୁ ଦେବ।” ଏହି ଘଟଣା ପରେ ଅଧିକ ସୂଚନା ପାଇଁ ପୁଲିସ୍ ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।