ନିଜ ମା’ ବୟସର ମହିଳାଙ୍କ ସହ ଦୁଷ୍କର୍ମ କରିବା ପରେ ହତ୍ୟା କଲା ୨୩ବର୍ଷୀୟ ଯୁବକ
ପାଣାଜି : ନିଜ ମା’ ବୟସର ମହିଳାଙ୍କ ସହ ଦୁଷ୍କର୍ମ ପରେ ହତ୍ୟା କରିବା ଘଟଣାକୁ ନେଇ ପୁଲିସ କର୍ଣ୍ଣାଟକରେ ରହୁଥିବା ଜଣେ ୨୩ବର୍ଷୀୟ ଯୁବକଙ୍କୁ ଗିରଫ କରିଥିବା ଜଣା ପଡ଼ିଛି । ଯେଉଁ ମହିଳା ଦୁଷ୍କର୍ମର ଶିକାର ହୋଇଛନ୍ତି ସେ ଓଲ୍ଡ୍ ଗୋଆ ଭିଲେଜର ବାସିନ୍ଦା ବୋଲି ଜଣାପଡ଼ିଛି । ଶୁକ୍ରବାର ମହିଳାଙ୍କ ଶବ ଉଦ୍ଧାର ହୋଇଥିବା ବେଳେ ପୁଲିସ ଶନିବାର ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି । ଅଭିଯୁକ୍ତ ଜଣଙ୍କ ମଞ୍ଜୁନାଥ ଡ଼ୋଡ଼ାମନି ବୋଲି ଜଣା ପଡ଼ିଥିବା ବେଳେ ସେ ବେଙ୍ଗାଲୁରୁର ବାସିନ୍ଦା ବୋଲି ସୂଚନା ମିଳିଛି । କିନ୍ତୁ କିଛି ଦିନ ହେବ ମଞ୍ଜୁନାଥ ନିଜ ମାତା-ପିତାଙ୍କ ସହ ଓଲ୍ଡ଼ ଗୋଆ ଭିଲେଜରେ ରହି ଆସୁଥିଲେ ବୋଲି ପୁଲିସ ସୂଚନାରୁ ପ୍ରକାଶ । ଗିରଫ ହେବା ପରେ ନିଜର ଦୋଷ ସ୍ୱୀକାର କରିଛନ୍ତି ମଞ୍ଜୁନାଥ ।
Sambad is now on WhatsApp
Join and get latest news updates delivered to you via WhatsApp
ସେ ଦେଇଥିବା ବୟାନ ଅନୁଯାୟୀ, ବୁଧବାର ସେ ଜଣେ ମହିଳାଙ୍କୁ ଲିପ୍ଟ ଦେବା ବାହାନାରେ ଏକ ଜନଶୁନ୍ୟ ସ୍ଥାନକୁ ନେଇ ତାଙ୍କ ସହ ଦୁଷ୍କର୍ମ କରିଥିଲେ । ପରେ ସତ ସାମ୍ନାକୁ ଆସିଯିବା ଡ଼ରରେ ସେ ମହିଳାଙ୍କୁ ହତ୍ୟା କରି ସେଠାରେ ଫିଙ୍ଗି ଦେଇଥିଲେ ।