ନୂଆଦିଲ୍ଲୀ: ସୋସିଆଲ ମିଡିଆରେ ଭଲ ଓ ଖରାପ ଉଭୟ ପ୍ରକାର ଭିଡିଓ ପୋଷ୍ଟ ହୋଇଥ‌ାଏ। କେତେବେଳେ ଏହି ଭିଡିଓ ଦେଖିବାକୁ ମଜା ଲାଗିଥିବା ବେଳେ ଆଉ କେତେଟା ଆଶ୍ଚର୍ଯ୍ୟଚକିତ କଲା ଭଳି ରହିଥାଏ। ନିକଟରେ ଏମିତି ଏକ ଭିଡିଓ ଭାଇରାଲ ହୋଇଛି। ଯାହାକୁ ଦେଖି ସୋସିଆଲ ମିଡିଆ ବ୍ୟବହାରକାରୀମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

Advertisment

ଭାଇରାଲ ଭିଡିଓରେ ଦେଖିବାକୁ ମିଳୁଛି, ଜଣେ ଯୁବକ ଏକ ଚଳନ୍ତା ଟ୍ରେନର ଦ୍ବାର ନିକଟରେ ଛିଡ଼ା ହୋଇଛନ୍ତି। ଏହି ସମୟରେ ଅନ୍ୟ ଧାରଣା ଦେଇ ଯାଉଥିବା ଟ୍ରେନ ଦ୍ବାରା ପାଖରେ ଯେଉଁ ଯାତ୍ରୀ ଛିଡ଼ା ହୋଇଛନ୍ତି ସେମାନଙ୍କୁ ବେଲଟରେ ମାଡ଼ ମାରୁଛି। ତେବେ ଯୁବକ ଜଣକ ମଜା ନେବା ପାଇଁ ଏମିତି କରୁଥିବା ବେଳେ ଲୋକଙ୍କ ଜୀବନ ପ୍ରତି ବିପଦ ରହିଛି। କାରଣ ହଠାତ ବେଲଟ ମାଡ଼ ଦ୍ବାରା କାହାକୁ ଆଘାତ ଲାଗିପାରେ କି ଟ୍ରେନ ତଳକୁ ଖସିପଡ଼ିପାରେ। ଯଦ୍ବାରା ଯାତ୍ରୀଙ୍କ ଜୀବନ ବି ଚାଲି ଯିବାର ଅନେକ ସମ୍ଭାବନା ରହିଛି। ଏହି ଭିଡିଓକୁ ବିହାରର ବୋଲି କୁହାଯାଉଛି।

ଭିଡିଓ ଭାଇରାଲ ହେବାରେ ପୂର୍ବମଧ୍ୟ ରେଳ‌ବାଇ କାର୍ଯ୍ୟାନୁଷ୍ଠାନ ନେବ ବୋଲି ସୂଚନା ଦେଇଛି। ପୂର୍ବମଧ୍ୟ ରେଳବାଇ ଏହି ଘଟଣାକୁ ନେଇ ଏକ ଟୁଇଟ କରିଛି। ଟୁଇଟ କରି କହିଛି କି, ‘ଅବଗତ କରିଥିବାରୁ ଧନ୍ୟବାଦ ।କାର୍ଯ୍ୟାନୁଷ୍ଠାନ ନିହାତି ନିଆଯିବ।’