ସ୍ତ୍ରୀ ସହ ଝଗଡ଼ା ହେଉଥିବା ଦେଖି ରୋକିବାକୁ ଆସିଲେ ମାତା-ପିତା, ୩ଜଣଙ୍କୁ କୁରାଢ଼ିରେ ହାଣି ହତ୍ୟା କଲା ପୁଅ
ରାୟସେନ : ମଧ୍ୟପ୍ରଦେଶର ରାୟସେନରେ ଜଣେ ଯୁବକ ନିଜ ସ୍ତ୍ରୀ ସମେତ ନିଜ ମାତା-ପିତାଙ୍କୁ ହତ୍ୟା କରିଥିବା ଜଣା ପଡ଼ିଛି । ସ୍ତ୍ରୀ ସହ ଝଗଡ଼ା ହେଉଥିବା ବେଳେ ମାତା-ପିତା ବୁଝାଇବାକୁ ଆଗକୁ ଆସିଥିଲେ, ଯାହା ତାଙ୍କ ପାଇଁ କାଳ ହୋଇଥିଲା । ଘରୋଇ କଳହ ପାଇଁ ଏକା ସାଙ୍ଗରେ ପରିବାରର ୩ଜଣଙ୍କ ଜୀବନ ଚାଲି ଯାଇଥିବା ଜଣାପଡ଼ିଛି । ଅଭିଯୁକ୍ତର ନାଁ ଜିତେନ୍ଦ୍ର ପୂର୍ବା ବୋଲି ଚିହ୍ନଟ କରିଛି ପୁଲିସ । ତେବେ ଅଭିଯୁକ୍ତ ଏବେ ଫେରାର ରହିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଗୁରୁବାର କୌଣସି କଥାକୁ ନେଇ ଜିତେନ୍ଦ୍ର ଏବଂ ତାଙ୍କ ପତ୍ନୀଙ୍କ ମଧ୍ୟରେ କଥା କଟାକଟି ହୋଇଥିଲା । କିଛି ସମୟ ବଚସା କରିବା ପରେ ଜିତେନ୍ଦ୍ର ତାଙ୍କ ପତ୍ନୀଙ୍କ ଉପରକୁ ହାତ ଉଠାଇବା ଆରମ୍ଭ କରି ଦେଇଥିଲେ । ଏହା ଦେଖି ଜିତେନ୍ଦ୍ରଙ୍କ ମାତା-ପିତା ତାଙ୍କୁ ରୋକିବା ପାଇଁ ଆଗକୁ ଆସିଥିଲେ । ମାତା-ପିତା ଅଟକାଇବାରୁ ଜିତେନ୍ଦ୍ର ଆହୁରି ରାଗି ଯାଇ କୁରାଢ଼ିରେ ପ୍ରଥମେ ନିଜ ମାତା-ପିତାଙ୍କୁ ହତ୍ୟା କରିବା ସହ ପରେ ନିଜ ପତ୍ନୀଙ୍କୁ ହତ୍ୟା କରିଥିଲେ । ଏହି ଘଟଣାରେ ଅଭିଯୁକ୍ତଙ୍କ ୬ବର୍ଷର ମଧ୍ୟ ପୁଅ ଆହତ ହୋଇଥିବା ଜଣାପଡ଼ିଛି ।