ଇଚ୍ଛା ବିରୋଧରେ ବିବାହ କରିଥିବାରୁ ଗର୍ଭବତୀ ଝିଅକୁ ହତ୍ୟା କଲା ବାପା
ମୁମ୍ବାଇ : ଇଚ୍ଛା ବିରୋଧରେ ଝିଅ ବିବାହ କରିଥିବାରୁ ରାଗରେ ଗର୍ଭବତୀ ଝିଅକୁ ମାଡ଼ ମାରିବା ସହ ହତ୍ୟା କରିଛି ବାପା । ମୁମ୍ବାଇରେ ଏହି ଘଟଣା ଘଟିଥିବା ବେଳେ ଅଭିଯୁକ୍ତ ବାପାକୁ ଗିରଫ କରିଛି ପୁଲିସ । ରବିବାର ପୀଡ଼ିତାଙ୍କ ମୃତଦେହ ରାସ୍ତା କଡ଼ରୁ ମିଳିଥିବା ବେଳେ ତାଙ୍କର ଗଳା କଟା ଯାଇ ହତ୍ୟା କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ରାଜକୁମାର ଚୌରାସିଆ ପୀଡ଼ିତା ମିନାକ୍ଷୀ ବ୍ରିଜେଶ ଚୌରାସିଆଙ୍କ ବିବାହ ଦୁଇଟି ସ୍ଥାନରେ ଠିକ୍ କରିବା ପରେ ମଧ୍ୟ ମିନାକ୍ଷୀ ବିବାହ ପାଇଁ ରାଜି ହୋଇ ନଥିଲେ । ଘରେ ବିବାହ ପାଇଁ ବାଧ୍ୟ କରିବାରୁ ଫେବୃଆରୀରେ ମିନାକ୍ଷୀ ବ୍ରିଜେଶଙ୍କ ସହ ଘର ଛାଡ଼ି ଚାଲି ଯାଇଥିଲେ । ଯାହାକୁ ଗ୍ରହଣ କରି ପାରି ନଥିଲେ ରାଜକୁମାର । ମଧ୍ୟପ୍ରଦେଶର ସତନାରେ ଦୁହେଁ ବିବାହ କରିବା ପରେ ମୁମ୍ବାଇ ଚାଲି ଆସିଥିଲେ । ଏହା ପରେ ବ୍ରିଜେଶ ପାନ ଦୋକାନ କରିବା ସହ ନିଜର ଜୀବନ ଆରମ୍ଭ କରିଥିଲେ । ଝିଅ ଗର୍ଭବତୀ ଥିବା ଜାଣି ରାଜକୁମାର ଶନିବାର ତାଙ୍କୁ ନୂଆ ପୋଷାକ ଦେବି ବୋଲି କହି ଘଟକୋପରକୁ ଡ଼ାକିଥିଲେ । ଦେଖା ହେବା ପରେ ରାଜକୁମାର ମୀନାକ୍ଷୀଙ୍କୁ ଛୁରିରେ ଆକ୍ରମଣ କରିଥିଲେ । ରାତି ୯ଟା ୩୦ମିନିଟ୍ରେ ଏହି ଘଟଣା ଘଟିଥିଲା ।