ଜୁମ ଭିଡ଼ିଓ କଲ ସମୟରେ ୨୦ଜଣଙ୍କ ଆଗରେ ନିଜ ବାପାଙ୍କୁ ନିର୍ମମ ଭାବେ ହତ୍ୟା କଲା ପୁଅ
ନୂଆଦିଲ୍ଲୀ: ପୂର୍ବରୁ ଜୁମ ଭିଡ଼ିଓ କଲ ସମୟରେ ଅଶ୍ଳୀଳ ଭିଡ଼ିଓ ଚାଲିବା ଘଟଣା ସାମ୍ନାକୁ ଆସିଥିବା ବେଳେ ଏବେ ଜୁମ ଭିଡ଼ିଓ କଲ ସମୟରେ ଜଣଙ୍କୁ ହତ୍ୟା କରାଯାଇଥିବା ଜଣା ପଡିଛି | ପ୍ରାୟ ୨୦ଜଣ ଲୋକ ଜୁମ ଭିଡ଼ିଓ କଲ ଜରିଆରେ କାମ ବିଷୟରେ ଆଲୋଚନା କରୁଥିବା ବେଳେ ଜଣେ ବୃଦ୍ଧଙ୍କୁ ତାଙ୍କ ପୁଅ ହତ୍ୟା କରିବା ଖବର ଏବେ ଚାଞ୍ଚଲ୍ୟ ଖେଳାଇଦେଇଛି | ଗୁରୁବାର ମଧ୍ୟାହ୍ନ ସମୟରେ ଏହି ଘଟଣା ଘଟିଥିଲା ୭୨ବର୍ଷୀୟ ଡ୍ୱାଇଟ୍ ପାୱାରଙ୍କ ସହ | ହଠାତ ସେ ବସିଥିବା ଚେୟାରରୁ ଖସି ପଡ଼ିବା ସହ ତାଙ୍କ ସ୍କ୍ରିନ୍ ଅନ୍ଧାର ହୋଇଯାଇଥିଲା | ଏହାର କିଛି ସମୟ ପରେ ଡ୍ୱାଇଟ୍ ପାୱାରଙ୍କ ୩୨ବର୍ଷର ପୁଅ ଥୋମାସ୍ ସ୍କୁଲି-ପାୱାର୍ ଉଲଗ୍ନ ଅବସ୍ଥାରେ ଠିଆ ହୋଇଥିଲେ ବୋଲି ଜୁମ ଭିଡ଼ିଓ କଲରେ ଥିବା ଅନ୍ୟ ସଦସ୍ୟ ପୁଲିସକୁ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ପୁଲିସ ପ୍ରାଥମିକ ଅନୁସନ୍ଧାନ କରି କହିଛି ଯେ, ପାୱାରଙ୍କୁ ତାଙ୍କ ଘରେ ଛୁରାମାଡ଼ କରି ତାଙ୍କ ପୁଅ ହତ୍ୟା କରିଛି । ଘଟଣା ଘଟିବା ସମୟରେ ଭିଡ଼ିଓ କଲରେ ଥିବା ଅନ୍ୟ ସଦସ୍ୟ ପାୱାରଙ୍କ ନିଶ୍ୱାସ ପ୍ରଶ୍ୱାସ ଶୁଣିଥିବା କହିଛନ୍ତି | ହଠାତ ସ୍କ୍ରିନ ଅନ୍ଧାର ହେବା ପରେ ପାୱାର ଜୋରରେ ନିଶ୍ୱାସ ନେଇଥିଲେ, ଯାହା ପରେ ତାଙ୍କ ପୁଅ ଉଲଗ୍ନ ହୋଇ ସମସ୍ତଙ୍କ ସାମ୍ନାକୁ ଆସିଥିଲା | ତେବେ ନିଜ ବାପାଙ୍କୁ ଏଭଳି ହତ୍ୟା କରିବା ପଛର କାରଣ ପୁଲିସ ଜାଣି ପାରିନଥିବା ବେଳେ କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଥିବା କହିଛି |
ପୁଲିସର କହିବା ମୁତାବକ, ଯେତେବେଳେ ଭିଡ଼ିଓ କଲରେ ଥିବା ଏକାଧିକ ଲୋକ ତାଙ୍କୁ କଲ କରି ଏ ବିଷୟରେ ଜଣାଇଲେ ସେ ତୁରନ୍ତ ପାୱାରଙ୍କ ଘର ଖୋଜିବା ଆରମ୍ଭ କରିଥିଲେ | ପ୍ରାୟ ୧ଘଣ୍ଟା ପରେ ସେ ଘଟଣାସ୍ଥଳରେ ପହଞ୍ଚିବା ପରେ ପାୱାରଙ୍କ ପୁଅ ତାଙ୍କୁ ଦେଖି ଖସିଯିବା ପାଇଁ ଦ୍ଵିତୀୟ ମହଲାରୁ ଡେଇଁ ପଡିଥିଲା | ତେବେ କିଛି ବାଟ ଯିବା ପରେ ପୁଲିସ ତାକୁ କାବୁ କରି ଏବେ ଡାକ୍ତରଖାନାରେ ଭର୍ତ୍ତି କରିଛି |