ପୂର୍ବ ପ୍ରେମିକାର ଫଟୋ ନ ହଟାଇ ଫୋନକୁ ବିକ୍ରି କରିଦେଲା ପ୍ରେମିକ, ତା’ ପରେ…
ମେରଠ : ଉତ୍ତରପ୍ରଦେଶର ମେରଠରେ ଏକ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି । ଜଣେ ଯୁବକ ନିଜ ଫୋନ ବିକ୍ରି କରିବା ପୂର୍ବରୁ ନିଜ ପ୍ରେମିକା ସହ ଥିବା ବ୍ୟକ୍ତିଗତ ଫଟୋ ହଟାଇ ନଥିଲେ । ଯାହାଦ୍ୱାରା ଏହାକୁ କିଣିଥିବା ଯୁବକଜଣଙ୍କ ଫଟୋ ଗୁଡ଼ିକୁ ସୋସିଆଲ ମିଡିଆରେ ସେୟାର କରି ଦେଇଥିଲେ । ତେବେ ଏହି ଖବରର ଖୁଲାସା ସେତେବେଳେ ହେଲା, ଯେତେବେଳେ ଜଣେ ୩୫ବର୍ଷୀୟ ମହିଳା ନିଜ ୫ବର୍ଷର ପୁଅକୁ ଧରି ଆତ୍ମହତ୍ୟା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଗଙ୍ଗନଗରରେ ଆତ୍ମହତ୍ୟା କରିଥିବା ମହିଳାଙ୍କ ମୃତ୍ୟୁ ହୋଇଯାଇଥିବା ବେଳେ ତାଙ୍କ ୫ବର୍ଷର ପୁଅକୁ ବଞ୍ଚାଇବାରେ ସଫଳ ହୋଇଛି ପୁଲିସ । ମହିଳାଙ୍କ ଆତ୍ମହତ୍ୟାକୁ ନେଇ ପୁଲିସ ତଦନ୍ତ ଆରମ୍ଭ କରିବା ପରେ ପ୍ରକୃତ କାରଣ ସାମ୍ନାକୁ ଆସିଥିଲା । ପୂର୍ବ ପ୍ରେମିକ ସହ ମହିଳାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ମହିଳାଜଣଙ୍କ ଏଭଳି ପଦକ୍ଷେପ ନେଇଥିଲେ । ତେବେ ମହିଳାଙ୍କ ପୂର୍ବ ପ୍ରେମିକ ଅନୁଜ ପ୍ରଜାପତି ନାମକ ଜଣେ ଯୁବକଙ୍କୁ ଫୋନ ବିକ୍ରି କରିଥିବା ଜାଣି ତାଙ୍କ ପାଖରେ ପହଞ୍ଚିବା ପରେ ଅନୁଜଙ୍କ ହତ୍ୟା ମେ’୨୩ରେ ହୋଇ ଯାଇଥିବା ଜାଣିବାକୁ ପାଇଥିଲା ପୁଲିସ । ଏ ନେଇ ତଦନ୍ତ କରାଯିବା ପରେ ଫଟୋ ଭାଇରାଲ କରିଥିବା ଜାଣି ମହିଳାଙ୍କ ପୂର୍ବ ପ୍ରେମିକ ଅନୁଜଙ୍କୁ ହତ୍ୟା କରିଥିବା ସାମ୍ନାକୁ ଆସିଥିଲା । ଯାହା ପରେ ପୁଲିସ ଅଭିଯୁକ୍ତକୁ ଗିରଫ କରି ନେଇଥିବା ଜଣା ପଡ଼ିଛି ।