ଭୋପାଲ : ମଧ୍ୟପ୍ରଦେଶର ଭୋପାଲରେ ଘଟିଥିବା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଏଠାରେ ଜଣେ ଯୁବତୀଙ୍କୁ ଚାକିରି ପାଇଁ ଡ଼ାକି ପ୍ଲେସ୍ମେଣ୍ଟ ଏଜେନ୍ସି ପର୍ଣ୍ଣ ଭିଡ଼ିଓ ଦେଖାଇଥିଲା । ଏହା କ’ଣ ପାଇଁ ମୋତେ ଦେଖାଉଛ ବୋଲି ଯୁବତୀ ପ୍ରଶ୍ନ କରିବା ପରେ ଏହି କାମ ତୁମେ କରିବ ବୋଲି କୁହାଯାଇଥିଲା । ଯାହା ପରେ ଯୁବତୀ ସେଠାରୁ ଖସି ଆସି ପୁଲିସରେ ଅଭିଯୋଗ କରିଥିଲେ । ପୁଲିସ ଅଭିଯୋଗ ଗ୍ରହଣ କରି ପର୍ଣ୍ଣ ଫିଲ୍ମ ଦେଖାଇଥିବା ଯୁବକକୁ ଗିରଫ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସରେ ପୀଡ଼ିତା କରିଥିବା ଅଭିଯୋଗ ଅନୁଯାୟୀ,ଚାକିରି ଦରକାର ହେବାରୁ ପୀଡ଼ିତା ଏକ ଘରୋଇ ପ୍ଲେସ୍ମେଣ୍ଟ ଏଜେନି୍ସ ସହ ସଂପର୍କ କରିଥିଲେ । ପୀଡ଼ିତାଙ୍କ ଶିକ୍ଷାଗତ ଯୋଗ୍ୟତା ବିଷୟରେ ଜାଣି ତାଙ୍କୁ ଅଫିସକୁ ଡ଼କାଯିବା ସହ ଏଜେନ୍ସିର ନିର୍ଦ୍ଦେଶକ ରୁଦ୍ର ପ୍ରତାପଙ୍କୁ ଭେଟିବା ପାଇଁ କୁହାଯାଇଥିଲା । ରୁଦ୍ର ପ୍ରତାପଙ୍କୁ ଦେଖା କରିବା ପରେ ପୀଡ଼ିତାଙ୍କର ଇଣ୍ଟରଭିୟୁ ନିଆଯାଇ ତାଙ୍କୁ ଚାକିରି ପାଇଁ ବାଛିଥିଲେ ରୁଦ୍ର ପ୍ରତାପ । ବୁଧବାର ପୀଡ଼ିତା ଅଫିସରେ କାମ କରିବା ପାଇଁ ପହଞ୍ଚିବା ପରେ ରୁଦ୍ର ତାଙ୍କୁ କାମ ବୁଝାଇବା ପାଇଁ କହି ପର୍ଣ୍ଣ ଭିଡ଼ିଓ ଚଳାଇଥିଲେ । ଯାହାକୁ ଦେଖି ପୀଡ଼ିତା ଆଶ୍ଚର୍ଯ୍ୟ ହେବା ସହ ଏହାର କାରଣ ପଚାରିବାରୁ ଆଜିଠାରୁ ତୁମେ ଭିଡ଼ିଓରେ ଦେଖୁଥିବା କାମ କରିବ ବୋଲି ରୁଦ୍ର ପୀଡ଼ିତାଙ୍କୁ କହିଥିଲେ । ଚାକିରି କରିବାକୁ ହେଲେ ତୁମକୁ ମୋ ସହ ଶରୀରିକ ସଂପର୍କ ରଖିବାକୁ ହେବ ବୋଲି ରୁଦ୍ର କହିବା ପରେ ପୀଡ଼ିତା ସେଠାରୁ ଆସି ପୁଲିସରେ ଅଭିଯୋଗ କରିଥିଲେ ।