କୋଲକାତା : ୧୮ଦିନ ପର୍ଯ୍ୟନ୍ତ ବନ୍ଦ ଘରେ ମା’ର ମୃତଦେହ ପାଖରେ ବସି ରହିଥିଲା ପୁଅ
କୋଲକାତା : କୋଲକାତାରେ ଘଟିଥିବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । ମୃତ୍ୟୁ ପରେ ମା’ଙ୍କ ଅନ୍ତିମସଂସ୍କାର କରିବା ପରିବର୍ତ୍ତେ ୧୮ଦିନ ପର୍ଯ୍ୟନ୍ତ ମରଶରୀର ପାଖରେ ପୁଅ ବସି ରହିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ୧୮ଦିନ ପରେ ଶରୀରଟି ସଢ଼ିବା ଆରମ୍ଭ ହେବାରୁ ଏହାର ଦୁର୍ଗନ୍ଧ ବାହାରକୁ ଆସିଥିଲା ।ଫଳରେ ସନ୍ଦେହରେ ପଡ଼ୋଶୀ ପୁଲିସକୁ ଖବର ଦେଇଥିଲେ । ପୁଲିସ ଆସି କବାଟ ଭାଙ୍ଗିବା ପରେ ଯୁବକ ମା’ର ସଢ଼ି ଯାଇଥିବା ଶବ ପାଖରେ ବସି ରହିଥିବା ଦେଖା ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ବର୍ଷ ତଳେ ମୈତ୍ରେୟ ଭଟ୍ଟାଚାର୍ଯ୍ୟଙ୍କ ବାପା ମୃତ୍ୟୁବରଣ କରିବା ପରେ ତାଙ୍କ ମା’ କ୍ରିଷ୍ଣାଙ୍କ ଦେହ ଖରାପ ହେବାକୁ ଲାଗିଥିଲା । ମୈତ୍ରେୟ କୌଣସି କାମ କରୁ ନଥିବାରୁ ସେ ଏବଂ ତାଙ୍କ ମା’ ପେନସନ୍ ଟଙ୍କାରେ ବଞ୍ଚୁଥିଲେ । ଏହି ଘଟଣାକୁ ନେଇ ପୁଲିସ ମୈତ୍ରେୟଙ୍କୁ ପଚାରିବା ପରେ ଜାଣିବାକୁ ଫାଇଲା, ମା’ଙ୍କ ଦେହାନ୍ତ ସପ୍ତାହେ ପୂର୍ବରୁ ହୋଇ ସାରିଥିଲା । ମୈତ୍ରେୟ କହିଲେ, ଏ ଖବର ମୁଁ ମୋ ସବୁ ସଂପର୍କୀୟଙ୍କୁ ଦେଇଥିଲି । କିନ୍ତୁ କେହି ଆସି ନଥିଲେ । ମା’ ମୋତେ ମରିବା ପୂର୍ବରୁ ତାଙ୍କ ଶବକୁ ନ ପୋଡ଼ି ଘରେ ପୋତିବା କଥା କହିଥିଲେ । କେହି ନ ଆସିବାରୁ ମୁଁ ତାଙ୍କ ପାଖରେ ବସି ରହିଥିଲି । ତେବେ ମୈତ୍ରେୟଙ୍କ କଥାରେ କେତେ ସତ ରହିଛି ତାହା ଜାଣିବା ପାଇଁ ପୁଲିସ ତାଙ୍କ ସଂପର୍କୀୟ ଏବଂ ପଡ଼ୋଶୀମାନଙ୍କୁ ଏ ନେଇ ପଚରାଉଚରା ଆରମ୍ଭ କରିଥିବା ଜଣାପଡ଼ିଛି । ମୈତ୍ରେୟ ତାଙ୍କ ମା’ଙ୍କ ମୃତ୍ୟୁ ସପ୍ତାହେ ପୂର୍ବରୁ ହୋଇଥିବା କଥା କହିଥିବା ବେଳେ ମୃତଦେହ ୧୭-୧୮ଦିନର ଜଣା ପଡ଼ୁଥିବା କହିଛି ପୁଲିସ ।