ନୂଆଦିଲ୍ଲୀ: ପ୍ରତିଶୋଧ ନେବା ପାଇଁ ଲୋକମାନେ ବେଳେବେଳେ ଏପରି କାମ କରିଥାଆନ୍ତି ଯାହାକି ଅନ୍ୟର ଜୀବନକୁ ବିପଦରେ ପକାଇଥାଏ। ଏମିତି ଏକ ଘଟଣାକୁ ନେଇ ସୋସିଆଲ ମିଡିଆରେ ଲାଇଭ ଦୃଶ୍ୟ ଭାଇରାଲ ହେବାରେ ଲାଗିଛି।

Advertisment

ଭାଇରାଲ ଭିଡିଓରେ ଏହା ଦେଖିବାକୁ ମିଳୁଛି କି, ଜଣେ ବ୍ୟକ୍ତି ଜନଗହଳି ପୂର୍ଣ୍ଣ ଅଞ୍ଚଳରେ ପାର୍କିଂ ହୋଇଥିବା ତାଙ୍କ କାର ନିକଟରେ ଯାଉଛନ୍ତି। କାର ପାଖରେ ପହଞ୍ଚି ବସିବାକୁ ଯାଉଥିବା ବେଳେ ଜଣେ ବ୍ୟକ୍ତି ସେହି ସମୟରେ ପଛରୁ ତାଙ୍କ ଉପରକୁ ବୋମାମାଡ଼ କରୁଛି।

ଏହି ସମୟରେ କାରରେ ବସିଥିବା ବ୍ୟକ୍ତି ଜଣକ ତରତର ହୋଇ ଭୟରେ କାରର ଗେଟ୍ ବନ୍ଦ କରି ଦେଉଛନ୍ତି। କିନ୍ତୁ ବୋମାମାଡ଼ରେ କାରରେ ପ୍ରବଳ ବିସ୍ଫୋରଣ ହେଉଛି।  ଏହି ବିସ୍ଫୋରଣରେ କାରଦ୍ବାର ଛିଟିକି ପଡ଼ୁଛି। ଘଟଣାସ୍ଥଳରେ ଧୁଆଁ ଭରି ଯାଉଛି। ତେବେ ରିପୋର୍ଟ ଲେଖାହେଲା ପର୍ଯ୍ୟନ୍ତ କାରରେ ବସିଥିବା ବ୍ୟକ୍ତିଙ୍କ ଅବସ୍ଥା କ’ଣ ହୋଇଛି ସେନେଇ ସ୍ପଷ୍ଟ ସୂଚନା ମିଳିପାରିନାହିଁ।

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଅଭିଯୁକ୍ତ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଲୋକମାନେ ଦାବି କରୁଛନ୍ତି। ଲୋକମାନେ ସନ୍ଦେହ କରୁଛନ୍ତି କି ଏହି ବିସ୍ଫୋରଣରେ କାରରେ ବସିଥିବା ବ୍ୟକ୍ତି ବୋଧ ହୁଏ ଜଳିଯାଇଛନ୍ତି।