ଇନ୍ଦୋର: ମଧ୍ୟପ୍ରଦେଶ ଇନ୍ଦୋରର ଏମଓ୍ଵାଏ  ହସ୍‌ପିଟାଲ୍‌ (ମହାରାଜା ୟଶବନ୍ତ ରାଓ ହସ୍‌ପିଟାଲ୍‌)ରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ମହିଳା ରୋଗୀଙ୍କୁ ଅଚିହ୍ନା ଯୁବକଙ୍କ ସହିତ ଗୋଟିଏ ଷ୍ଟ୍ରେଚରରେ ଏକାଠି ଏକ୍ସ-ରେ ରୁମ୍‌ ପର୍ଯ୍ୟନ୍ତ ନିଆ ଯାଇଥିଲା।

Advertisment

କୁହାଯାଉଛି କି, ସଙ୍ଗୀତା ନାମକ ମହିଳା ରୋଗୀଙ୍କ ଗୋଡରେ ଫେକ୍‌ଚର ହୋଇଥିଲା। ତେଣୁ ସେ ଗତ ୧୨ଦିନ ହେବ ଏମଓ୍ଵାଏ ହସ୍‌ପିଟାଲ୍‌ରେ ଭର୍ତ୍ତି ଥିଲେ। ବୁଧବାର ତାଙ୍କୁ ତୃତୀୟ ମହଲାରୁ ତଳ ମହଲାରେ ଥିବା ଏକ୍ସ-ରେ ରୁମ୍‌କୁ ନିଆ ଯାଇଥିଲା। ଏମିତିରେ ହସ୍‌ପିଟାଲ୍‌ କର୍ତ୍ତୃପକ୍ଷ ଷ୍ଟ୍ରେଚର ନଥିବା କହି ମହିଳାଙ୍କୁ ଜଣେ ଅଚିହ୍ନା ରୋଗୀଙ୍କ ସହିତ ଏକାଠି ଗୋଟିଏ ଷ୍ଟ୍ରେଚରରେ ଶୁଆଇ ଏକ୍ସ-ରେ ରୁମ୍‌ ପର୍ଯ୍ୟନ୍ତ ନେଇଥିଲେ।

publive-image

ଏହି ଘଟଣାର ଭିଡିଓ ଭାଇରାଲ୍‌ ହେଲା ପରେ ହସ୍‌ପିଟାଲ୍‌ ଚିକିତ୍ସା ଅଧିକାରୀ ଡାକ୍ତର ପିଏସ୍‌ ଠାକୁର ନର୍ସିଂ ଷ୍ଟାଫ୍‌, ଡାକ୍ତର ଓ ଓ୍ଵାର୍ଡ ବଏଙ୍କୁ କାରଣ ଦର୍ଶାଅ ନୋଟିସ୍‌ ଜାରି କରିଛନ୍ତି।

ସଙ୍ଗୀତାଙ୍କ ସ୍ୱାମୀ ଧର୍ମେନ୍ଦ୍ରଙ୍କ କହିବାନୁସାରେ, ମୋ ସ୍ତ୍ରୀ ଅର୍ଥପେଡିକ୍‌ ଓ୍ଵାର୍ଡରେ ଭର୍ତ୍ତି ଥିଲା। ସଙ୍ଗୀତା ଗୋଡର ଏକ୍ସ-ରେ ପାଇଁ ଷ୍ଟ୍ରେଚର ଆବଶ୍ୟକତା ପଡ଼ିଥିଲା। ହସ୍‌ପିଟାଲ୍‌ରେ ଷ୍ଟ୍ରେଚର କମ୍‌ ଥିବା କୁହାଯାଇଥିଲା। ତେଣୁ ଗୋଟିଏ ଷ୍ଟ୍ରେଚରରେ ଅନ୍ୟ ଜଣେ ଅଚିହ୍ନା ରୋଗୀଙ୍କ ସହିତ ମୋର ପତ୍ନୀକୁ ଶୁଆଇ ଏକ୍ସ-ରେରୁମ୍‌ ପର୍ଯ୍ୟନ୍ତ ନିଆ ଯାଇଥିଲା। ମୋତେ ଏସବୁ ଦେଖି ଅସ୍ୱାଭାବିକ ଲାଗିଥିଲା। କିନ୍ତୁ ମୁଁ ଚାହିଁକି ବି କିଛି କରି ପାରି ନଥିଲି।