ଟ୍ୟୁସନ୍ ଶିକ୍ଷକଙ୍କ ଦ୍ୱାରା ଦୁଷ୍କର୍ମର ଶିକାର ହେଲା ପରେ ଲୋକଲଜ୍ଜାକୁ ଡ଼ରି ଆତ୍ମହତ୍ୟା କଲେ ନାବାଳିକା
ନୂଆଦିଲ୍ଲୀ : ଝାଡ଼ଖଣ୍ଡରେ ଏକ ଲଜ୍ଜାଜନକ ଘଟଣା ଘଟିଥିବା ସାମ୍ନାକୁ ଆସିଛି । ଦୁଷ୍କର୍ମକୁ ନେଇ ଦେଶରେ କଡ଼ା ବିରୋଧ କରାଯାଉଥିଲେ ମଧ୍ୟ ପୁଣି ଜଣେ ନାବାଳିକା ଦୁଷ୍କର୍ମର ଶିକାର ହୋଇଛି । ଶିକ୍ଷକଙ୍କୁ ଲୋକେ ମାଗଦର୍ଶକ ବୋଲି କହୁଥିବା ବେଳେ ଜଣେ ଟ୍ୟୁସନ ଶିକ୍ଷକ ନିଜ ନାବାଳିକା ଛାତ୍ରୀ ସହ ଏଭଳି ଅମାନବୀୟ କାମ କରିବା ଘଟଣା ସମସ୍ତଙ୍କୁ ଏଥିନେଇ ଭାବିବାକୁ ବାଧ୍ୟ କରିଛି । ପୀଡ଼ିତା ପଢ଼ିବା ପାଇଁ ଅଭିଯୁକ୍ତଙ୍କ ଘରକୁ ଯାଇଥିବା ବେଳେ ଅଭିଯୁକ୍ତ ତାଙ୍କ ସହ ଦୁଷ୍କର୍ମ କରିଥିଲେ । ଯାହା ପରେ ଲୋକଲଜ୍ଜାକୁ ଡ଼ରି ପୀଡ଼ିତା ଆତ୍ମହତ୍ୟା କରିଥିଲେ । ଘଟଣାଟି ଝାଡ଼ଖଣ୍ଡର ଗଢ଼ଓ୍ଵା ଜିଲ୍ଲାର ବୋଲି ଜଣା ପଡ଼ିଛି । ଏହି ଘଟଣାକୁ କେନ୍ଦ୍ର କରି ପୁଲିସ ଅଭିଯୁକ୍ତ ଏବଂ ତାଙ୍କ ଭାଇ ବିରୋଧରେ ମାମଲା ରୁଜୁ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତା ଦିନ ୧୨ଟା ସମୟରେ ପଢ଼ିବାକୁ ଯାଇଥିବା ପରେ ତାଙ୍କ ଭାଇ ସେଠାକୁ ଦିନ ୨ଟାରେ ପଢ଼ିବାକୁ ଯାଇଥିଲେ । ସେଠାରେ ପହଞ୍ଚିବା ପରେ ପୀଡ଼ିତାଙ୍କ ଭାଇ ନିଜ ଭଉଣୀଙ୍କୁ ଟ୍ୟୁସନ୍ ଶିକ୍ଷକଙ୍କ ସହ ଆପତ୍ତିଜନକ ଅବସ୍ଥାରେ ଦେଖିଥିଲେ । ତୁରନ୍ତ ସେଠାରୁ ଆସି ତାଙ୍କ ଭାଇ ପରିବାର ଲୋକଙ୍କୁ ଜଣାଇବା ପରେ ସମସ୍ତେ ଘଟଣାସ୍ଥଳରେ ଯାଇ ପହଞ୍ଚିଥିଲେ । ପରିବାର ଲୋକଙ୍କୁ ଦେଖି ପୀଡ଼ିତା ସେଠାରୁ ଚାଲି ଆସି ନିଜ ଘରେ ବେକରେ ରସି ଲଗାଇ ଆତ୍ମହତ୍ୟା କରିଥିଲେ । ପୀଡ଼ିତାଙ୍କ ଭାଇ ସମସ୍ତଙ୍କୁ ଡ଼ାକି ଆଣିଥିବାରୁ ଅଭିଯୁକ୍ତ ଶିକ୍ଷକଙ୍କ ଭାଇ ତାଙ୍କୁ ଚାପୁଡ଼ା ମାରିଥିଲେ । ଯାହା ପାଇଁ ପୁଲିସ ଦୁଇ ଭାଇଙ୍କ ବିରୋଧରେ ମାମଲା ରୁଜୁ କରିଥିବା ଜଣା ପଡ଼ିଛି ।