ଭୁବନେଶ୍ବର: ରାଜଧାନୀର ଛାତି ଉପରେ ଦିନ ଦ୍ବିପହରରେ ହତ୍ୟାକାଣ୍ଡ । ବିଚ୍ ରାସ୍ତାରେ ଦିବାଲୋକରେ ଯୁବକଙ୍କୁ ଚଳନ୍ତା ଗାଡ଼ିରେ ହାଣିଲେ ଦୁର୍ବୃତ୍ତ । ଯୁବକ ଜଣଙ୍କୁ ହସ୍ପିଟାଲ୍ ନିଆଯିବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଭୁବନେଶ୍ୱର ସିଆରପି ଛକଠାରେ ଘଟିଛି ଏମିତି ଏକ ଘଟଣା ଯାହା ସଭିଙ୍କୁ ଆତଙ୍କିତ କରିଛି । ଦିନ ଦ୍ୱିପହରରରେ ୨ ଜଣ ଦୁର୍ବୃତ୍ତ ଯୁବକଙ୍କୁ ଏକ ପିକ-ଅପ୍ ଭ୍ୟାନ୍ ଭିତରେ ହାଣିବା ପରି ଅଭାବନୀୟ ଘଟଣା ଦେଖିବାକୁ ମିଳିଛି । ଯୁବକ ଜଣକ ଗାଡ଼ି ଚାଳକ ଟୁକୁନା ହୋଇଥିବା ହୋଇଥିବା ବେଳେ ଦୁଇ ହତ୍ୟାକାରୀ ହେଉଛନ୍ତିି ସାଗର ପୃଷ୍ଟି ଓ ସୁଧୀର ପୃଷ୍ଟି। ତେବେ ଦୁଇ ହତ୍ୟାକାରୀ ଖସି ପଳାଉଥିବା ବେଳେ ସ୍ଥାନୀୟ ଲୋକଙ୍କ ହାବୁଡ଼ରେ ପଡ଼ିଥିଲେ। ଉତ୍ତ୍ୟକ୍ତ ଲୋକେ ସେମାନଙ୍କୁ ନିସ୍ତୁକ ପିଟିଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ପିକଅପ୍ ଭ୍ୟାନରେ ଟୁକୁନା, ସୁଧୀର ଓ ସାଗର ଆସୁଥିଲେ । ଏମାନଙ୍କ ମଧ୍ୟରେ କୌଣସି କାରଣରୁ ବଚସା ପରେ ହାତାହାତି ହୋଇଥିଲେ । ଏହି ସମୟରେ ଧାରୁଆ ଅସ୍ତ୍ରରେ ଟୁକୁନାକୁ ଆକ୍ରମଣ କରିଥିଲେ ଦୁଇ ଜଣ । ଟୁକୁନାଙ୍କ ମୃତ୍ୟୁପରେ ତାଙ୍କୁ ଗାଡିରେ ନେଇ ଆସୁଥିବା ବେଳେ ଅଟକାଇ ଥିଲେ ଲୋକେ । ପରେ ସୁଧୀର ଓ ସାଗରଙ୍କୁ ନିସ୍ତୁକ ପିଟି ପୋଲିସ ଜିମା ଦେଇଥିଲେ ଲୋକେ । ଟୁକୁନାକୁ କ୍ୟାପିଟାଲ ହସ୍ପିଟାଲ ନିଆଯାଇଥିଲେ ବି ତାର ମୃତ୍ୟୁ ହୋଇ ସାରିଥିଲା । ଲୋକଙ୍କ ଆକ୍ରମଣରେ ଗୁରୁତର ଆହତ ସୁଧୀର ଓ ସାଗରଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ଗଣ୍ଡଗୋଳରେ ସମ୍ପୃକ୍ତ ତିନି ଜଣ ଯୁବକଙ୍କ ଘର ସ୍ଥାନୀୟ ସାଲିଆସାହିରେ । ତେବେ ରାଜଧାନୀରେ ଦିନ ଦ୍ବିପ୍ରହରରେ ଏଭଳି ଘଟଣା ଲୋକଙ୍କୁ ଆତଙ୍କିତ କରିଛି।