ମୁମ୍ବାଇ : ବାପା ସହ ଯୌନ ସଂପର୍କ ଥିବା ସନ୍ଦେହ କରି ନିଜ ଝିଅର ଗଳା ଚିପି ହତ୍ୟା କରିଛି ମା’ । ମୁମ୍ବାଇର ଖର୍ଘର୍ରେ ଏହି ଘଟଣା ଘଟିଥିବା ବେଳେ ହତ୍ୟା ପଛର ପ୍ରକୃତ କାରଣ କ’ଣ ତାହା ଜଣା ପଡ଼ି ନାହିଁ । ଅନ୍ୟ ପକ୍ଷରେ ପ୍ରଥମରୁ ଏହା ଏକ ଦୁର୍ଘଟଣା ବୋଲି ଜଣା ପଡ଼ିଥିବା ବେଳେ ଶବ ବ୍ୟବଚ୍ଛଦ ପରେ ଏହା ହତ୍ୟା ବୋଲି ଜଣା ପଡ଼ିଥିଲା । ଏ ନେଇ ପୂରା ପରିବାରଙ୍କୁ ପଚରାଉଚରା କରାଯିବା ପରେ ସେ ନିଜ ଝିଅକୁ ମାରିଛନ୍ତି ବୋଲି ଅଭିଯୁକ୍ତ ମା’ ସ୍ୱୀକାର କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିଜ ସ୍ୱାମୀ ସହ ୧୬ବର୍ଷୀୟ ଝିଅର ଅନୈତିକ ସଂପର୍କ ଥିବା ସନ୍ଦେହ କରିବା ଆରମ୍ଭ କରିଥିଲେ ମହିଳା । ମାର୍ଚ୍ଚ ୪ରେ ସ୍ୱାମୀ ଘରେ ନଥିବା ବେଳେ ନିଜ ଝିଅକୁ ଏ ନେଇ ପଚାରିବା ପରେ ଦୁହିଁଙ୍କ ମଧ୍ୟରେ କଥା କଟାକଟି ହୋଇଥିଲା । ଝଗଡ଼ା ବଢ଼ିଯିବାରୁ ମହିଳା ଜଣକ ଏକ କପଡ଼ା ସାହାଯ୍ୟରେ ଝିଅର ଗଳା ଚିପି ହତ୍ୟା କରିଥିଲେ । ଏହା ପରେ ସେ ନିଜ ସ୍ୱାମୀଙ୍କୁ ଫୋନ କରି ଝିଅର ଦେହ ଖରାପ ଅଛି ବୋଲି କହି ଘରକୁ ଡ଼ାକିଥିଲେ । ତାଙ୍କ ସ୍ୱାମୀ ଘରେ ପହଞ୍ଚିବା ପରେ ଝିଅ ଆଉ ଏ ଦୁନିଆରେ ନାହିଁ ବୋଲି ଜାଣାଇଥିଲେ । ପଡ଼ୋଶୀ ଏ ନେଇ ପୁଲିସକୁ ସୂଚନା ଦେବା ପରେ ପୁଲିସ ଘଟଣା ସ୍ଥଳରେ ପହଞ୍ଚି ଏହା ଏକ ଦୁର୍ଘଟଣା ବୋଲି ଭାବିଥିଲା ।
ଏହା ପରେ ଶବ ବ୍ୟବଚ୍ଛଦ କରାଯାଇ ଝିଅର ଶବ ମାତା-ପିତାଙ୍କୁ ଦିଆ ଯାଇଥିଲା । ନିଜ ଜନ୍ମସ୍ଥାନ ରାଜସ୍ଥାନ ହୋଇଥିବାରୁ ନାବାଳିକାର ଶବକୁ ରାଜସ୍ଥାନ ନିଆଯାଇ ଶେଷକୃତ୍ୟ ସମ୍ପନ୍ନ କରାଯାଇଥିଲା । ସବୁ ସରିବା ପରେ ଘଟଣା ଉପରୁ ପରଦା ହଟିଥିଲା । ମାର୍ଚ୍ଚ ୨୧ରେ ଶେଷକୃତ୍ୟ ସାରି ମୁମ୍ବାଇ ଫେରିବା ପରେ ତାଙ୍କ ଝିଅକୁ ହତ୍ୟା କରାଯାଇଥିଲା ବୋଲି ପୁଲିସ ଜଣାଇବା ସହ ଘଟଣା ବିଷୟରେ ପଚରାଉଚରା କରିଥିଲା । ଏହା ପରେ ମୋ ଝିଅର ସ୍ୱାମୀଙ୍କ ସହ ଅନୈତିକ ସଂପର୍କ ଥିବା ସନ୍ଦେହ କରି ମୁଁ ଏପରି କରିଥିଲି ବୋଲି ଅଭିଯୁକ୍ତ ମା’ ପୁଲିସ ଆଗରେ ସ୍ୱୀକାର କରିବା ସହ ପୁଲିସ ତାଙ୍କୁ ଧାରା ୩୦୨ ଅନୁଯାୟୀ ଗିରଫ କରିଥିଲା ।