ନୂଆଦିଲ୍ଲୀ: ଗୋଟିଏ ଘରକୁ ପାଞ୍ଚ ପାଞ୍ଚ ଜଣ ଭିନ୍ନ ଭିନ୍ନ ଲୋକଙ୍କୁ ବିକି ଅଢେଇ କୋଟି ଟଙ୍କା ଠକିବା ଅଭିଯୋଗରେ ମାଆ -ଝିଅଙ୍କ ବିରୁଦ୍ଧରେ ମାମଲା ରୁଜୁ ହୋଇଛି। ଅଭିଯୁକ୍ତ ମାଆଙ୍କ ନାଆଁ ହେଲା ମୋଲ୍ଲୀ କପୁର(୬୫) ଓ ଝିଅଙ୍କ ନାମ ହେଲା ଅନୁରାଧା କପୁର (୪୩)। ସେ ଦୁହେଁ ନୂଆଦିଲ୍ଲୀର ଗ୍ରେଟର୍ କୈଳାସ ପାର୍ଟ-୧ରେ ଥିବା ଘରକୁ ପାଞ୍ଚ ଜଣ ବ୍ୟକ୍ତିଙ୍କୁ ଜାଲି କାଗଜପତ୍ର ଜରିଆରେ ବିକ୍ରି କରିଛନ୍ତି। ତେବେ ଏ ଦୁଇ ମହିଳା ବିକ୍ରି କରିବା ପରେ ବିଦେଶକୁ ପଳାଇଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଅତିରିକ୍ତ ଉପ ପୁଲିସ କମିସନର(ଦକ୍ଷିଣ ପୂର୍ବ) ଘନଶ୍ୟାମ ବଂଶଲ୍ କହିଛନ୍ତି ଯେ, ଅନୁରାଧାଙ୍କୁ ୨୦୧୫ରେ ଗୋଆ ପୁଲିସ ଜଣେ ଜୁଆ ଏଜେଣ୍ଟ ହତ୍ୟା ମାମଲାରେ ଗିରଫ କରିଥିଲା। ମାଆ-ଝିଅ ଘରର ମୂଲ୍ୟ ୨ କୋଟି ୮୦ ଲକ୍ଷ ଟଙ୍କା ବୋଲି କହି ପାଞ୍ଚ ଜଣଙ୍କଠାରୁ ୬୦ ଲକ୍ଷରୁ ୧ କୋଟି ଟଙ୍କା ଯାଏଁ ଆଗାମୀ ଅର୍ଥ ଆଦାୟ କରିଥିଲେ। ମୋଲ୍ଲୀ ଓ ଅନୁରାଧା ଦିଲ୍ଲୀର ଏକ ହୋଟେଲରେ ଅବସ୍ଥାନ କରିଥିବା ଜାଣିବା ପୁଲିସ ସେ ଦୁହିଁଙ୍କୁ ଚଢାଉ କରି ଗିରଫ କରିଥିଲା।