ନିଜ ପିଲାଙ୍କୁ ହତ୍ୟା କରି ମହିଳାଙ୍କ ଆତ୍ମହତ୍ୟା, ଝୁଲନ୍ତା ଅବସ୍ଥାରେ ମିଳିଲା ମୃତ ଶରୀର
ସାଗର: ମଧ୍ୟପ୍ରଦେଶରେ ଘଟିଯାଇଛି ଏକ ଅଭାବନୀୟ ଘଟଣା। ମଧ୍ୟପ୍ରଦେଶସ୍ଥିତ ସଗରର ଜଣେ ମହିଳା ସୋମବାର ନିଜର ୩ ପିଲାଙ୍କୁ ହତ୍ୟା କରି ନିଜେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ପୁଲିସ୍ ସନ୍ଦେହ କରୁଛି ଯେ ମହିଳା ଜଣକ ପ୍ରଥମେ ନିଜର ୩ ପିଲାଙ୍କୁ ମାରିବା ପରେ ପରେ ନିଜ ବେକରେ ଦଉଡ଼ି ଦେଇ ଜୀବନ ହାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମହିଳାଙ୍କ ନାମ କୁନ୍ତି। ଘଟଣାସ୍ଥଳରେ ପୁଲିସ୍ ପହଞ୍ଚି କୁନ୍ତି ଦେବୀଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲା ଓ ତାଙ୍କର ୩ ଜଣ ପିଲା ତାଙ୍କ ପାଦ ତଳେ ପଡ଼ି ରହିଥିଲେ। କୁନ୍ତୀଙ୍କର ୨ ପୁଅ ଓ ଜଣେ ଝିଅ ୩ ଜଣ ଯାକ ୬ ବର୍ଷ ମଧ୍ୟରେ ଥିଲେ ବୋଲି ଜାଣିବାକୁ ମିଳିଛି।
ଏପରି ଘଟଣା ଘଟିବା ପରେ ଖବର ପାଇ ପୁଲିସ୍ ଅଧିକାରୀ ଅମିତ ସାଂଘି, ଅତିରିକ୍ତ ପୁଲିସ୍ ଅଧିକାରୀ ରଜେସ ଭ୍ୟାସ୍ ଓ ଅନ୍ୟ ପୁଲିସ୍ମାନେ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରି ଦେଇଥିଲେ।