ରୋଗରେ ପୀଡ଼ିତା ମା’କୁ ଔଷଧ ଦେବା ପରିବର୍ତ୍ତେ ରୋଗ ଯନ୍ତ୍ରଣାରୁ ମୁକ୍ତି ଦେବା ପାଇଁ ହତ୍ୟା କଲା ପୁଅ
ମୁମ୍ବାଇ: ନିଜ ଜନ୍ମକଲା ମା’କୁ ରୋଗ ଯନ୍ତ୍ରଣାରୁ ମୁକ୍ତି ଦେବା ପାଇଁ ଜଣେ ଯୁବକ କରିଥିବା କାମ ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ମା’ ରୋଷେଇ କରୁଥିବା ବେଳେ ଅଭିଯୁକ୍ତ ପୁଅ ତାଙ୍କ ମୁଣ୍ଡକୁ ଲୁହା ରଡ଼ରେ ପିଟି ତାଙ୍କୁ ହତ୍ୟା କରିଥିଲା। ପରେ ଘଟଣା ସଂପର୍କରେ କାହାରିକୁ କିଛି ନ ଜଣାଇ ମୃତଦେହ ପାଖରେ ବସି ରହିଥିଲା। କିଛି ଘଣ୍ଟା ପରେ ପୀଡ଼ିତାଙ୍କ ବଡ଼ ପୁଅ ଘରକୁ ଫେରିବା ପରେ ଘଟଣାଟି ସାମ୍ନାକୁ ଆସିଥିଲା। ଏବେ ତାଙ୍କ ସାନ ଭାଇ ମାନସିକ ରୋଗରେ ପୀଡ଼ିତ ଓ ସେ ତାଙ୍କ ମା’ଙ୍କୁ ହତ୍ୟା କରିଥିବା ନେଇ ଅଭିଯୋଗ କରିଛନ୍ତି ପୀଡ଼ିତାଙ୍କ ବଡ଼ ପୁଅ। ପୀଡ଼ିତାଙ୍କ ନାଁ ଚନ୍ଦ୍ରାବତୀ ବୋଲି ଜଣା ପଡ଼ିଥିବା ବେଳେ ଅଭିଯୁକ୍ତର ନାଁ ଜୟପ୍ରକାଶ ଧୋବୀ ବୋଲି ଜଣା ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତାଙ୍କ ବଡ଼ ପୁଅ କରିଥିବା ଅଭିଯୋଗ ମୁତାବକ, ମା’ ରୋଷେଇ ଘରେ ସକାଳ ଖାଇବା ପ୍ରସ୍ତୁତ କରୁଥିବା ବେଳେ ଜୟପ୍ରକାଶ ଏକ ଲୁହା ରଡ଼ ନେଇ ତାଙ୍କ ମୁଣ୍ଡକୁ ପିଟି ଦେଇଥିଲା। ଯାହା ଫଳରେ ମା’ ଘଟଣାସ୍ଥଳରେ ଟଳି ପଡ଼ିଥିଲେ। ହେଲେ, କାହାକୁ କିଛି ନ କହି ଜୟପ୍ରକାଶ ମା’ଙ୍କ ପାଖରେ ବସି ରହିିଥିଲେ। ମୁଁ ଦିନ ୧୧ଟାରେ ଘରେ ପହଞ୍ଚିବା ପରେ ସେ ମା’ଙ୍କ ମୃତଦେହ ପାଖରେ ବସି ରହିଥିବା ଦେଖିଥିଲି। ଘଟଣା ବିଷୟରେ ପଚାରିବା ପରେ ମା’ଙ୍କୁ ଯନ୍ତ୍ରଣାରୁ ମୁକ୍ତି ଦେବା ପାଇଁ ମୁଁ ତାଙ୍କୁ ହତ୍ୟା କରିଛି ବୋଲି ମୋତେ କହିଥିଲା ଜୟପ୍ରକାଶ।
ତେବେ ବଡ଼ ଭାଇର ଅଭିଯୋଗ କ୍ରମେ ପୁଲିସ ଜୟପ୍ରକାଶଙ୍କୁ ଗିରଫ କରିବା ପରେ ସେ ମୃତ୍ୟୁ ପଛର କାରଣ ପୁଲିସକୁ ପୁଣି ଥରେ ଜଣାଇଥିଲା। ସେ କହିଥିଲା କି, ମା’ ଏକା ସାଙ୍ଗରେ ମଧୁମେହ, ରକ୍ତଚାପ, ମୋତିଆବିନ୍ଦୁ ଓ ଆଣ୍ଠୁ-ଗଣ୍ଠି ସମସ୍ୟାରେ ପୀଡ଼ିତ ଥିଲେ। ଯାହାଦ୍ବାରା ତାଙ୍କୁ ସବୁବେଳେ ଅସହ୍ୟ ଯନ୍ତ୍ରଣା ହେଉଥିବା କଥା ସେ ମୋତେ କହୁଥିଲେ। ସବୁଦିନ ତାଙ୍କୁ ଯନ୍ତ୍ରଣାରେ ଦେଖି ମୁଁ ତାଙ୍କୁ ମୁକ୍ତି ଦେବା ପାଇଁ ଚିନ୍ତା କରିଥିଲି। ଯାହା ପାଇଁ ମୁଁ ଏଭଳି ପଦକ୍ଷେପ ନେଇଛି।