୧୩ ବର୍ଷୀୟ ନାବାଳିକାକୁ ଦୁଷ୍କର୍ମ କରିବା ପରେ ଏତଲା ରୁଜୁ ହେବାରୁ ବିବାହ କରିବାକୁ ରାଜି ହୋଇଥିଲା ଅଭିଯୁକ୍ତ, ପୀଡ଼ିତାଙ୍କୁ ୧୮ବର୍ଷ ହେବା ପରେ ହୋଇଥିଲା ବିବାହ, କିନ୍ତୁ……
ମୁମ୍ବାଇ : ସ୍ୱପ୍ନର ସହର ମୁମ୍ବାଇରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟ କଲା ଭଳି ଘଟଣା । ଦୁଷ୍କର୍ମ ପରେ ବିବାହ ଏବଂ ପରେ ଘରୋଇ ହିଂସାର ଶିକାର ହୋଇଛି ଜଣେ ୧୯ବର୍ଷୀୟ ପୀଡ଼ିତା । ବିବାହ ପରେ ଜୀବନ ସୁଖମୟ ହେବ ବୋଲି ଭାବିଥିବା ବଳେ ସବୁକିଛି ଓଲଟପାଲଟ ହୋଇ ଯାଇଛି । ଦୁଷ୍କର୍ମ ପରେ ଅଭିଯୁକ୍ତ ଗିରଫ ହେବା ଡ଼ରରେ ବିବାହ କରିବା ପାଇଁ ରାଜି ହୋଇ ଯାଇଥିବା ବେଳେ ବିବାହ ପରେ ପୀଡ଼ିତାଙ୍କୁ ଯୌତୁକ ପାଇଁ ନିର୍ଯାତନା ଦେବା ଆରମ୍ଭ କରିଥିଲା । ଅଭିଯୋଗ ହେବା ପରେ ଏବେ ମୁମ୍ବାଇ ପୁଲିସ ଅଭିଯୁକ୍ତକୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତାଙ୍କୁ ୧୩ବର୍ଷ ବୟସ ହୋଇଥିବା ବେଳେ ତାଙ୍କ ପଡ଼ୋଶୀ ଘରେ ରହୁଥିବା ଅଭିଯୁକ୍ତ ଯୁବତୀଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମ ପରେ ପୀଡ଼ିତା ଏହାର ଅଭିଯୋଗ କରିବାକୁ ଯାଉଥିବା ବେଳେ ଅଭିଯୁକ୍ତ ତାଙ୍କୁ ରୋକି ବିବାହ ପ୍ରସ୍ତାବ ଦେଇଥିଲେ । ପୀଡ଼ିତାଙ୍କ ପରିବାର ଲୋକେ ଏହି ପ୍ରସ୍ତାବରେ ରାଜି ହୋଇ ପୀଡ଼ିତାଙ୍କୁ ୧୮ବର୍ଷ ହେବା ପରେ ତାଙ୍କର ବିବାହ ଅଭିଯୁକ୍ତଙ୍କ ସହ କରାଇ ଦେଇଥିଲେ । କିନ୍ତୁ ବିବାହ ସମୟରେ ପୀଡ଼ିତା କିଛି ନ ନେଇ ଆସିଥିବାରୁ ଅଭିଯୁକ୍ତ ଏବଂ ତାଙ୍କ ମା’ ପୀଡ଼ିତାଙ୍କୁ ମାଡ଼ ମାରିବା ଆରମ୍ଭ କରିଥିଲେ ।
ବାପ ଘରୁ ୯ଲକ୍ଷ ଟଙ୍କା ଆଣିବାକୁ ମନା କରିବାରୁ ଅଭିଯୁକ୍ତ ଏବଂ ତାଙ୍କ ମା’ କିରୋସିନ ଢ଼ାଳି ହତ୍ୟା କରିବାର ମଧ୍ୟ ଧମକ ଦେଇଥିଲେ । ବାରମ୍ବାର ଏପରି ହେଉଥିବା ଦେଖି ପୀଡ଼ିତା ଶେଷରେ କୁର୍ଲା ପୁଲିସ ଷ୍ଟେସନରେ ଅଭିଯୁକ୍ତ ସ୍ୱାମୀ ନାଁରେ ଅଭିଯୋଗ ଆଣିବାରୁ ଗୁରୁବାର କୁର୍ଲା ପୁଲିସ ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି।