ତାଳଚେର: ତାଳଚେର ଥାନା ଦେଉଳବେଡ଼ା ଅଂଚଳର ଜଣେ ଯୁବକଙ୍କୁ ଅପହରଣ ପରେ ହତ୍ୟା କରାଯାଇଛି। ହତ୍ୟାର ଶିକାର ହୋଇଥିବା ଯୁବକ ଜଣକ ହେଉଛନ୍ତି ଦେଉଳବେଡ଼ାର ରାଜେଶ ଚୌହାନ୍‌(୩୯)। ହତ୍ୟାକାରୀମାନେ ରାଜେଶଙ୍କୁ ହତ୍ୟା କରିବା ପରେ ତାଙ୍କ ଶବକୁ କନ୍ଧବେରେଣୀ ଜଙ୍ଗଲରେ ଫିଙ୍ଗି ଫେରାର ହୋଇଯାଇଛନ୍ତି। ସ୍ଥାନୀୟ ଲୋକଙ୍କଠୁ ଖବର ପାଇ ପୁଲିସ ଶବ ଜବତ କରିଛି। ରାଜେଶଙ୍କ ପତ୍ନୀ ଏ ନେଇ ଥାନାରେ ଅଭିଯୋଗ କରିବାରୁ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି। ସୂଚନାନୁଯାୟୀ, ଗତ ୨୮ ତାରିଖ ସକାଳ ପ୍ରାୟ ୯ଟା ବେଳେ ରାଜେଶ ଘର ଠାରୁ କିଛି ଦୂରରେ ଥିବା ଏକ ଦୋକାନରେ ଚା’ ପିଉଥିଲେ। ଏହି ସମୟରେ ଦୁର୍ବୃତ୍ତମାନେ ତାଙ୍କୁ ଅପହରଣ କରି ନେଇଥିଲେ।