ପଡ଼ୋଶୀ ଘର କାଠ ବାକ୍ସରୁ ମିଳିଲା ଶିଶୁର ମୃତଦେହ, ଦେଢ଼ ବର୍ଷ ପୂର୍ବେ କରାଯାଇଥିଲା ଅପହରଣ
ଗାଜିଆବାଦ୍ : ଦେଢ଼ ବର୍ଷ ପୂର୍ବେ ଅପହରଣ କରାଯାଇଥିବା ୪ବର୍ଷିୟ ଶିଶୁର ମୃତଦେହକୁ ଏବେ ଖୋଜି ପାଇଛନ୍ତି ପରିବାର ଲୋକେ । ପଡ଼ୋଶୀଙ୍କ ଛାତରେ ଥିବା ଏକ କାଠ ବାକ୍ସରୁ ଶିଶୁର ମୃତଦେହ ଉଦ୍ଧାର କରାଯାଇଥିବା ଜଣାପଡ଼ିଛି । ୪ ବର୍ଷର ଜୈଦ୍ ମହମ୍ମଦଙ୍କୁ ୨୦୧୬ରେ ଅପହରଣ କରାଯାଇଥିବା ବେଳେ ସେ ସମୟରେ ତାଙ୍କର କୌଣସି ପତ୍ତା ମିଳି ନ ଥିଲା । ତେବେ ଗତ ଶୁକ୍ରବାର ଅଧିକ ବର୍ଷା ହେବା ଯୋଗୁଁ ଜୈଦ୍ ମହମ୍ମଦଙ୍କ ପଡ଼ୋଶୀଙ୍କ ଛାତରେ ଥିବା ଏକ କାଠ ବାକ୍ସ ତଳକୁ ଖସି ପଡ଼ିଥିଲା । ଶନିବାର ସକାଳୁ ଲୋକଙ୍କ ନଜର ସେହି ବାକ୍ସ ଉପରେ ପଡ଼ିବା ପରେ ଭିତରର ଦୃଶ୍ୟ ଦେଖି ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ । ବାକ୍ସ ଭିତରେ ଦେଢ଼ ବର୍ଷ ପୂର୍ବରୁ ଅପହରଣ କରାଯାଇଥିବା ଜୈଦ୍ ମହମ୍ମଦଙ୍କ ମୃତଦେହ ଥିଲଶ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୂତାବକ, ୨୦୧୬ରେ ଜୈଦ୍ ମହମ୍ମଦଙ୍କ ଅପହରଣ ପରେ ଅପହରଣକାରୀମାନେ ଟଙ୍କା ମାଗିଥିଲେ । ପରିବାର ଲୋକେ ଟଙ୍କା ଦେବା ପରେ ମଧ୍ୟ ଜୈଦ୍ ମହମ୍ମଦକୁ ସେମାନେ ଛାଡ଼ି ନଥିଲେ । ଏ ନେଇ ପୁଲିସରେ ଅଭିଯୋଗ ହେବା ପରେ ପୁଲିସ ତଦନ୍ତ କରି ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଥିଲା । କିନ୍ତୁ ଜୈଦ୍ ମହମ୍ମଦଙ୍କ କୌଣସି ପତ୍ତା ମିଳି ନ ଥିଲା । ଶୁକ୍ରବାରର ପଡ଼ୋଶୀଙ୍କ ଛାତରୁ ଜୈଦ୍ ମହମ୍ମଦଙ୍କ ମୃତ ଦେହ ମିଳିବା ଏହି ମାମଲାକୁ ଏକ ନୂଆ ମୋଡ଼ ଦେଇଛି । ବନ୍ଦ ହୋଇ ଆସୁଥିବା ମାମଲାଟି ଏବେ ପୁଣି ଖୋଲିଛି । ଛାତ ଉପରକୁ ସେହି ବାକ୍ସ କିପରି ଆସିଲା ସେ ନେଇ ପଚରାଯିବା ପରେ ୨୦୧୬ରେ ଶେଷ ଥର ପାଇଁ ଛାତକୁ ସଫା କରାଯାଇଥିଲା । ତା’ ପରଠାରୁ କେହି ଉପରକୁ ଆସି ନାହାନ୍ତି ବୋଲି ପଡ଼ୋଶୀ ମତ ରଖିଥିଲେ । ତେବେ ପଡ଼ୋଶୀଙ୍କ କଥାରେ ସନ୍ଦେହ କରି ପୁଲିସ ଏ ନେଇ ପୁଣି ଖୋଳତାଡ ଆରମ୍ଭ କରିଥିବା ଜଣାପଡ଼ିଛି ।