ଓଡ଼ିଶାରେ ଲୁଚିଥିଲେ ଦଙ୍ଗାକାରୀ ! ଝାରସୁଗୁଡାରୁ ୨ ଅପରାଧୀ ଗିରଫ, ୬ ଅଟକ

ଭୁବନେଶ୍ବର: ମୁର୍ଶିଦାବାଦ ହିଂସାକାଣ୍ଡ ଘଟଣାରେ ଓଡିଶାର ଲିଙ୍କ୍ । ଝାରସୁଗୁଡାରେ ଲୁଚିଥିଲେ ୬ ଜଣ ଅଭିଯୁକ୍ତ । ମୁର୍ଶିଦାବାଦ ପୋଡଜଳା ଏବଂ ଦଙ୍ଗା ମାମଲାରେ ସମ୍ପୃକ୍ତ ଥିବା ୬ ଜଣଙ୍କୁ ଅଟକ ରଖାଯାଇଛି । ସେମାନେ ମଧ୍ୟ ମୁର୍ଶିଦାବାଦ ହିନ୍ଦୁ ବାପପୁଅ ହତ୍ୟା ମାମଲାରେ ସମ୍ପୃକ୍ତ ଥିବା କୁହାଯାଉଛି । ହିଂସାକାଣ୍ଡ ପରେ ସେମାନେ ଓଡିଶା ପଳାଇ ଆସିଥିଲେ ଏବଂ ଝାରସୁଗୁଡାରେ ଲୁଚିଥିଲେ । ସେମାନଙ୍କୁ ଅଟକ ରଖିବା ସହ ବନ୍ଧୁକ ଗୁଳି ଜବତ କରାଯାଇଛି ।

#WATCH | Odisha | Six persons have been detained from their hideout in Jharsuguda. They were involved in the arson and rioting cases in Jafrabad and Betbona villages in Samserganj, Jangipur Police District in Murshidabad, and had escaped to Odisha after the incident. Their… https://t.co/lOgOMozVHSpic.twitter.com/WGbpsZE1TM

— ANI (@ANI) April 21, 2025

ତେବେ ପଶ୍ଚିମବଙ୍ଗ ହିଂସାରେ ଓଡିଶାର ଲିଙ୍କ୍ ନେଇ ପ୍ରତିକ୍ରିୟା ରଖିଛନ୍ତି ଉତ୍ତରାଞ୍ଚଳ ଆଇଜି । କହିଛନ୍ତି ଏହା ଏକ ସମ୍ବେଦନଶୀଳ ପ୍ରସଙ୍ଗ, ଏଯାଏଁ ୨ ଜଣଙ୍କୁ ଗିରଫ କରାଯାଇଛି, ୬ ଜଣଙ୍କୁ ଅଟକ ରଖାଯାଇଛି । ବାହାରୁ ଆସିଥିବା ଅପରାଧୀଙ୍କୁ ଏଠାରେ ଲୁଚିବାକୁ ଦିଆଯିବନି । ଅପରାଧୀଙ୍କୁ ଯିଏ ଆଶ୍ରୟ ଦେଇଥିବା ତା ବିରୋଧରେ କାର୍ୟ୍ୟାନୁଷ୍ଠାନ ହେବ ।