କାରରୁ ଉଲଗ୍ନ ଅବସ୍ଥାରେ ଓହ୍ଲାଇ ଟୋଲ ପ୍ଲାଜାରେ ମହିଳାଙ୍କ ଡ୍ରାମା

ନୂଆଦିଲ୍ଲୀ: ଗତମଙ୍ଗଳବାର ଦିନ କାଲିଫର୍ଣ୍ଣିଆରୁ ଏକ ଆଶ୍ଚର୍ଯ୍ୟଜନକ ଘଟଣାର ଭିଡିଓ ସାମ୍ନାକୁ ଆସିଛି। ଏଥିରେ  ଜଣେ ଉଲଗ୍ନ ମହିଳା ତାଙ୍କ କାରରୁ ଓହ୍ଲାଇ ବନ୍ଧୁକ ଦେଖାଇବାର ଦୃଶ୍ୟ ଦେଖିବାକୁ ମିଳୁଛି। ଏହି ଘଟଣା ଦେଶର ସବୁଠାରୁ ବ୍ୟସ୍ତବହୁଳ ଜାତୀୟ ରାଜପଥରେ ଘଟିଥିବା ଜଣାପଡ଼ିଛି।

କାଲିଫର୍ଣ୍ଣିଆ ହାଇୱେ ପାଟ୍ରୋଲ କହିଛି ଯେ ସାନ ଫ୍ରାନ୍ସିସ୍କୋ-ଓକଲ୍ୟାଣ୍ଡ ବାଇ ବ୍ରିଜରେ ଏହି ଘଟଣା ଘଟିଛି। ଜଣେ ଚାଳକ ୯୧୧କୁ ଫୋନ କରି ଜଣାଇଥିଲେ ଯେ, ‘ ସାନ ଫ୍ରାନ୍ସିସକୋ ବାଇ ଅତିକ୍ରମ କରୁଥିବା ବେଳେ  ଆଇ-୮୦ ସ୍ପେନରେ ଅନ୍ୟ ଜଣେ ଚାଳକ ତାଙ୍କୁ ବନ୍ଧୁକ ଦେଖାଉଛନ୍ତି।  ଏହି ଘଟଣା ସନ୍ଧ୍ୟା ପ୍ରାୟ ୪.୪୦ସମୟରେ ଘଟିଥିଲା ​​।

କୁହାଯାଉଛି କି, ଜଣେ ମହିଳା  ହଠାତ୍ କାରରୁ ଛୁରୀ ଧରି ବ‌ାହାରି ଚିତ୍କାର କରିଥିଲେ। କିଛି ସମୟରେ ପରେ ସେ କାରରେ ବସି ଓକଲ୍ୟାଣ୍ଡ ଅଭିମୁଖେ ଚାଲିଯାଇଥିଲେ।

ପୁଣି ଏକ ଟୋଲ ପ୍ଲାଜାରେ ଅଟକି ଯାଇ ଉଲଗ୍ନ ଅବସ୍ଥାରେ କାରରୁ ଓହ୍ଲାଇଥିଲେ। କାରରୁ ଉଲଗ୍ନ ଅବସ୍ଥାରେ ଓହ୍ଲାଇ ଫାଙ୍କା ଗୁଳି କରିଥିଲେ। ପୁଲିସ ଏହି ଘଟଣା ସମ୍ପର୍କରେ ଖବର ପାଇ ଘଟଣାସ୍ଥଳରେ ପହଞ୍ଚି ଉଲଗ୍ନ ମହିଳାଙ୍କୁ କାବୁ କରି ହସ୍ପିଟାଲରେ ଭର୍ତ୍ତି କରି ତାଙ୍କ ମାନସିକ ଅବସ୍ଥାର ଯାଞ୍ଚ କରାଯାଉଛି।

ସୌଭାଗ୍ୟବଶତଃ ଏହି ଘଟଣାରେ କାହାକୁ କିଛି ଆଘାତ ପହଞ୍ଚି ନାହିଁ। ତେବେ ମହିଳା ଜଣକ ଏପରି କାଣ୍ଡ କେଉଁ ଉଦ୍ଦେଶ୍ୟ ନେଇ ଘଟାଇଥିଲେ ସେନେଇ ସ୍ପଷ୍ଟ ସୂଚନା ମିଳି ପାରିନାହିଁ।