ଗଛଟିଏ ଉପାଡ଼ି ଦେବାରୁ କିରାସିନି ଢାଳି ୧୨ ବର୍ଷୀୟ ବାଳିକାକୁ ପୋଡ଼ି ପକାଇଲେ ପଡ଼ୋଶୀ
ବେଗୁସରାଇ: ଗଛଟିଏ ଓପାଡ଼ି ଦେଇଥିବାରୁ ଶୁକ୍ରବାର ଦିନ ବିହାରର ବେଗୁସରାଇ ଜିଲ୍ଲାରେ ଜଣେ ୧୨ ବର୍ଷୀୟ ବାଳିକାକୁ ତାଙ୍କ ପଡ଼ିଶାଘର ଦମ୍ପତି ପୋଡ଼ି ପକାଇଥିବା ଅଭିଯୋଗ ହୋଇଛି।
Sambad is now on WhatsApp
Join and get latest news updates delivered to you via WhatsApp
ନିଙ୍ଗା ପଞ୍ଚାୟତ ଅଧୀନ ଶିବରଣା ଗାଁରେ ଘଟଣାଟି ଘଟିଥିବା ଜଣାପଡ଼ିଛି। ଅଭିଯୁକ୍ତ ପଡ଼ୋଶୀ ସିକନ୍ଦର ଯାଦବଙ୍କ ଘର ପାଖରେ ଖେଳୁଥିବା ବେଳେ ବାଳିକାଟି ଗୋଟାଏ ଛୋଟ ଗଛ ଉପାଡ଼ି ପକାଇଥିଲା। ଏ କଥା ଦେଖି ସିକନ୍ଦର, ତାଙ୍କ ପତ୍ନୀ ଓ ସେମାନଙ୍କ ଝିଅ ସେ ବାଳିକାକୁ ଗାଳିଗୁଲଜ କରିବା ସହ ମାଡ଼ ଦେଇଥିଲେ। ତା’ପରେ ସେମାନେ ଝିଅଟି ଦେହରେ କିରାସିନ ଢାଳି ନିଆଁ ଲଗାଇ ଦେଇଥିଲେ।
ଚିକିତ୍ସା ନିମନ୍ତେ ଦଗ୍ଧ ବାଳିକାଟିକୁ ଏକ ଚିକିତ୍ସାଳୟର ‘କ୍ରିଟିକାଲ୍ ବର୍ଣ୍ଣ ଇଞ୍ଜୁରି’ରେ ଭର୍ତ୍ତି କରିଛନ୍ତି।
ଅଭିଯୁକ୍ତ ସିକନ୍ଦର ଯାଦବଙ୍କ ବିରୋଧରେ ପୁଲିସ ମାମଲା ରୁଜୁ କରିଥିବା ଜଣାପଡ଼ିଛି। ବେଗୁସରାଇ ଡିଏସ୍ପି ନିଶିତପ୍ରିୟ କହିଛନ୍ତି, ପଡ଼ୋଶୀ ସିକନ୍ଦର ଏହି ଅପରାଧର ଅଭିଯୁକ୍ତ ଏବଂ ତାଙ୍କର ଗିରଫଦାରି ପାଇଁ ପ୍ରକ୍ରିୟା ଚାଲିଛି।