ଓଡ଼ିଆ ଯୁବକଙ୍କୁ ତାମିଲନାଡ଼ୁରେ ହତ୍ୟା
ରାଜକନିକା : ତାମିଲନାଡ଼ୁ କାମ କରିବାକୁ ଯାଇ ନିଖୋଜ ଥିବା ରାଜକନିକା ବ୍ଲକ୍ ମନ୍ତପଡ଼ା ଗାଁର ଦୈତାରୀ ନାୟକଙ୍କ ପୁଅ ଜୀବେଶ ନାୟକ (୪୨)ଙ୍କୁ ହତ୍ୟା କରାଯାଇଛି। ଏ ସଂପର୍କରେ ଥାନାରେ ଅଭିଯୋଗ ହେବା ପରେ ଘଟଣାକୁ ନେଇ ଉଦ୍ବେଗ ପ୍ରକାଶ ପାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଗତ ସେପ୍ଟେମ୍ବର ୩୦ ତାରିଖ ଦିନ ଟଣେଇପଦା ଗାଁର ଦୀପକ ରାଉତ ଓ ସିକୁଡ଼ି ଗାଁର ବାବାଜୀ ସାହୁଙ୍କ ସହିତ ଜୀବେଶ୍ ନାୟକ ତାମିଲନାଡ଼ୁ କାମ କରିବା ପାଇଁ ଯାଇଥିଲେ ା ହେଲେ ତାମିଲନାଡ଼ୁରେ ପହଞ୍ଚିବାର ତିିନି ଦିନ ପରେ ଅର୍ଥାତ୍ ଅକ୍ଟୋବର ୩ ତାରିଖରେ ଉଭୟ ଦୀପକ ଓ ବାବାଜୀ ଶୋଇଥିବାବେଳେ ଜୀବେଶ୍ କେଉଁଆଡ଼େ ନିଖୋଜ ହୋଇଯାଇଥିଲେ। ଜୀବେଶଙ୍କ ନିଖୋଜ ନେଇ ଉଭୟ ଦୀପକ ଓ ବାବାଜୀ ଜୀବେଶଙ୍କ ପରିବାର ଲୋକଙ୍କୁ ଜଣାଇବା ସହିତ ସ୍ଥାନୀୟ ତ୍ରିଚିନାପଲ୍ଲି ରେଳଷ୍ଟେସନ୍ ଥାନାରେ ଲିଖିତ ଅଭିଯୋଗ କରିଥିଲେ। ହେଲେ ଜୀବେଶଙ୍କ ନିଖୋଜ ହେବାର ଦୀର୍ଘଦିନ ପରେ ଗତ ୨୬ ତାରିଖରେ ଦୀପକ ଓ ବାବାଜୀ ମୋବାଇଲ୍ ଜରିଆରେ ଜୀବେଶଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହର ଫଟୋ ତାଙ୍କ ପରିବାର ଲୋକଙ୍କ ନିକଟକୁ ପଠାଇଥିଲେ। ଏହି ଫଟୋ ଦେଖିବା ପରେ ଜୀବେଶଙ୍କ ମୃତ୍ୟୁ ହୋଇଥିବା ପରିବାର ଲୋକେ ସ୍ପଷ୍ଟ ହୋଇଯାଇଥିଲେ।