ନୂଆଦିଲ୍ଲୀର ସିଭିଲ ଲାଇନରେ ଦେଢ ବର୍ଷର ଶିଶୁକନ୍ୟାକୁ ଦୁଷ୍କର୍ମ, ଅଭିଯୁକ୍ତ ଗିରଫ
ନୂଆଦିଲ୍ଲୀ: ନୂଆଦିଲ୍ଲୀର ସିଭିଲ ଲାଇନରେ ଦେଢ ବର୍ଷର ଶିଶୁକନ୍ୟାକୁ ଲୋମଟାଙ୍କୁରା ଦୁଷ୍କର୍ମ ଘଟଣା ସେଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ଅଭିଯୁକ୍ତ ଘର ବାହାରୁ ଶିଶୁ କନ୍ୟାକୁ ଅପହରଣ କରିବାପରେ ଜଙ୍ଗଲକୁ ନେଇ ଦୁଷ୍କର୍ମ କରିଥିଲା । ନାବାଳିକା ନିଖୋଜ ହେବାନେଇ ପିତାମାତା ଥାନାରେ ଏତଲା ଦେବାପରେ ଘଟଣା ପରେ ପୁଲିସ କେତୋଟି ଟିମ ଗଠନ କରି ସର୍ଚ୍ଚ ଅପରେଶନ କରିଥିଲା । ଶେଷରେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଥିଲା ପୁଲିସ।
Sambad is now on WhatsApp
Join and get latest news updates delivered to you via WhatsApp
ଅଭିଯୁକ୍ତକୁ ଜଙ୍ଗଲରୁ ଧରା ହୋଇଥିଲା ଯେଉଁଠାରେ ଶିଶୁ କନ୍ୟାକୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରାଯାଇଥିଲା। ସେଠାରୁ ଅଳ୍ପ ଦୂରରେ ମୁଖ୍ୟମନ୍ତ୍ରୀ ଓ ଏଲଜି ନିବାସ ରହିଛି । ଶିଶୁକୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଅବସ୍ଥା ସଂକଟାପନ୍ନ ହେବାରୁ ଏଲଏନଜେପି ହସ୍ପିଟାଲ ସ୍ଥାନାନ୍ତର କରି ଦିଆଯାଇଥିଲା । ଏହି ଘଟଣାରେ ପୁଲିସ ଅଭିଯୁକ୍ତକୁ ଗିରଫ କରି ତାର ବିରୋଧରେ ଦୁଷ୍କର୍ମ, ପୋକ୍ସୋ ଧାରାରେ ମାମଲା ରୁଜ୍ଜୁ କରିଛି । ଅଭିଯୁକ୍ତର ବୟସ୨୫ ବର୍ଷ। ସେ ଉତ୍ତର ପ୍ରଦେଶର ବରେଲି ଅଞ୍ଚଳର ଅଧିବାସୀ ଓ ସେ ଅବିବାହିତ ବୋଲି ଜଣାଯାଇଛି ।