ସୋସିଆଲ ମିଡିଆରେ ନିଜ ପିଲାଙ୍କ ଫଟୋ ରଖି ଖର୍ଚ୍ଚ ପାଇଁ ଟଙ୍କା ମାଗୁଥିଲେ ମହିଳା, ୧୭ଦିନରେ ଲୋକଙ୍କଠାରୁ ଠକି ନେଲେ ୩୫ଲକ୍ଷ ଟଙ୍କା
ନୂଆଦିଲ୍ଲୀ : ଦୁବାଇରେ ରହୁଥିବା ଜଣେ ମହିଳା ଫେସ୍ବୁକ୍, ଇନ୍ଷ୍ଟାଗ୍ରାମ୍ ଏବଂ ଟୁଇଟର ସହାୟତାରେ ଲୋକମାନଙ୍କୁ ଠକୁଥିବା ସାମ୍ନାକୁ ଆସିଛି । ନିଜର ଆର୍ଥିକ ଅବସ୍ଥା ଭଲ ନଥିବା କହି ଅଭିଯୁକ୍ତ ମହିଳାଜଣଙ୍କ ୧୭ଦିନରେ ୩୫ଲକ୍ଷ ଟଙ୍କା ଠକି ନେଇଥିବା ଜଣା ପଡ଼ିଛି । ଏହି ଘଟଣା ସାମ୍ନାକୁ ଆସିବା ପରେ ତଦନ୍ତ କରି ମହିଳାଙ୍କୁ ଗିରଫ କରିଛି ଦୁବାଇ ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଅଭିଯୁକ୍ତ ମହିଳା ନିଜ ପିଲାମାନଙ୍କର ଫଟୋ ସୋସିଆଲ ମିଡିଆରେ ଛାଡ଼ି ନିଜର ଆର୍ଥିକ ଅବସ୍ଥା କେତେ ଖରାପ ତାହା ଦେଖାଉଥିଲେ । ସୋସିଆଲ ମିଡିଆ ଜରିଆରେ ଅଭିଯୁକ୍ତ ମହିଳା ସ୍ୱାମୀଙ୍କଠାରୁ ଅଲଗା ହୋଇ ନିଜ ପିଲାମାନଙ୍କୁ ନିଜେ ପାଳୁଥିବା କଥା କହୁଥିଲେ । ଯାହା ପରେ ଲୋକେ ତାଙ୍କୁ ସହାୟତା କରିବାକୁ ଯାଇ ଟଙ୍କା ପଠାଉଥିଲେ । କିନ୍ତୁ ମହିଳାଙ୍କ ଏଭଳି କାମ ଉପରେ ତାଙ୍କ ସ୍ୱାମୀଙ୍କ ନଜର ପଡ଼ିବା ପରେ ସେ ପୁଲିସକୁ ସବୁ ସତ ଜଣାଇଥିଲେ । ମହିଳାଙ୍କ ସହ ଛାଡ଼ପତ୍ର ହୋଇଛି ସତ କିନ୍ତୁ ପିଲାମାନେ ତାଙ୍କ ସହ ନୁହେଁ ବରଂ ମୋ ସହ ରହୁଛନ୍ତି ବୋଲି କହିଥିଲେ ଅଭିଯୁକ୍ତ ମହିଳାଙ୍କ ସ୍ୱାମୀ । ଯାହା ପରେ ପୁଲିସ ଲୋକମାନଙ୍କୁ ଠକି ଟଙ୍କା ନେବାର ଅଭିଯୋଗରେ ଗିରଫ ମହିଳାଙ୍କୁ ଗିରଫ କରିଥିଲା ।