ଡ଼ାକ୍ତର ପାୟଲ ଆତ୍ମହତ୍ୟା ମାମଲା: ଡ଼ାକ୍ତରଖାନା ନେବା ପରିବର୍ତ୍ତେ ସୁଇସାଇଡ୍ ନୋଟ୍କୁ ନଷ୍ଟ କରିଥିଲେ ୩ଜଣ ମହିଳା ଡ଼ାକ୍ତର
ମୁମ୍ବାଇ : ଦିନ ବିତିବା ସହ ଡ଼ାକ୍ତର ପାୟଲ ତଡ୍ବୀଙ୍କ ଆତ୍ମହତ୍ୟାକୁ ନେଇ ଗୋଟେ ପରେ ଗୋଟେ ନୂଆ ତଥ୍ୟା ସାମ୍ନାକୁ ଆସିବାରେ ଲାଗିଛି । ଏବେ ପାୟଲଙ୍କ ଆତ୍ମହତ୍ୟା ପରେ ଦାୟୀ ଥିବା ୩ଜଣ ମହିଳା ଡ଼ାକ୍ତର ରୁମ୍କୁ ଆସି ପାୟଲଙ୍କ ସୁଇସାଇଡ୍ ନୋଟ୍କୁ ନଷ୍ଟ କରି ଦେଇଥିଲେ ବୋଲି କହିଛି ମୁମ୍ବାଇ ପୁଲିସ । ଆତ୍ମହତ୍ୟା ପୂର୍ବରୁ ପାୟଲ ୩ପୃଷ୍ଠାର ସୁଇସାଇଡ୍ ନୋଟ୍ ଲେଖିବା ସହ ତାହାର ଫଟୋ ନିଜ ଫୋନରେ ଉଠାଇଥିଲେ । କିନ୍ତୁ ୩ଜଣ ଅଭିଯୁକ୍ତ ୩ପୃଷ୍ଠାର ସୁଇସାଇଡ୍ ନୋଟ୍ ନଷ୍ଟ କରିବା ସହ ଫୋନରୁ ଫଟୋ ହଟାଇ ଦେଇଥିଲେ । ଯାହାକୁ ଏବେ ଫରେନସିକ୍ ଏକ୍ସପର୍ଟମାନେ ପୁଣି ଥରେ ପାଇ ପାରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନ ମୁତାବକ, ମୁମ୍ବାଇରେ ଥିବା ବିଓ୍ଵାଇଏସ୍ ନାୟର ହସ୍ପିଟାଲ ଆଣ୍ଡ ମେଡିକାଲ କଲେଜରେ କାମ କରୁଥିବା ୨୬ବର୍ଷୀୟ ପାୟଲ ମେ’୨୨ରେ ନିଜ ହଷ୍ଟେଲ ରୁମ୍ରେ ଆତ୍ମହତ୍ୟା କରିିଥିଲେ । ପରେ ତାଙ୍କର ୩ଜଣ ସହଯୋଗୀ ଜାତିକୁ ନେଇ ସମାଲୋଚନା କରୁଥିବାରୁ ସେ ଏଭଳି ପଦକ୍ଷେପ ନେଇଥିବା ଜଣା ପଡ଼ିଥିଲା । ଯାହା ପରେ ୩ଜଣଙ୍କୁ ମେ’୨୯ରେ ଗିରଫ କରିଥିଲା ମୁମ୍ବାଇ ପୁଲିସ ।