ନଇଡ଼ା: ମଙ୍ଗଳବାର ଦିନ ନଇଡ଼ାର ଗୋଟିଏ ଏଟିଏମ୍ କିଓସ୍କରୁ ଚୋରମାନେ ୪୦ ଲକ୍ଷ ଟଙ୍କା ଲୁଟ୍ କରି ପଳାଇ ଯାଉଥିବା ବେଳେ ମଟରସାଇକେଲ୍ରୁ ପଡ଼ିଯିବାରୁ ରାସ୍ତାରେ ସେ ଟଙ୍କା ସବୁ ବିଚ୍ଛାଡ଼ି ହୋଇ ପଡ଼ିଥିଲା। ସ୍ଥାନୀୟ ଲୋକେ ଝପଟି ଯାଇ ସେ ଟଙ୍କା ସବୁ ନେଇ ପଳାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଘଟନା ରାତି ପ୍ରାୟ ୧: ୩୦ ବେଳେ ଘଟିଥିବା କଥା ପୁଲିସ କହିଛି। ସେକ୍ଟର୍ ୮୨ ସ୍ଥିତ ଏସ୍ବିଆଇ ଏଟିମ୍ କାଉଣ୍ଟର୍ରେ ତତ୍ତ୍ୱାବଧାରକମାନେ ଟଙ୍କା ଭରିବାକୁ ଗଲାବେଳେ ଏ ଭଳି ଘଟନା ଘଟିଛି।
ତତ୍ତ୍ୱାବଧାରକମାନେ ଭ୍ୟାନ୍ରୁ ଓହ୍ଲାଇ ଏଟିମ୍ କାଉଣ୍ଟର୍କୁ ଯିବାମାତ୍ରେ ଦୁଇ ଜଣ ଅଜ୍ଞାତ ବ୍ୟକ୍ତି ଆସି ଗୁଳି ଚଳାଇ ପ୍ରାୟ ୪୦ ଲକ୍ଷ ଟଙ୍କା ଥିବା ବ୍ୟାଗ୍ ଟାଣି ନେଇ ପଳାଇଥିଲେ।
ସେମାନେ ଦ୍ରୁତ ବେଗରେ ମୋଟର୍ସାଇକେଲ୍ଟି ଅନ୍ୟ ଏକ ଗାଡ଼ିରେ ପିଟି ହୋଇ ଯିବାରୁ ଚୋରମାନେ ତଳେ ପଡ଼ିଯାଇଥିଲେ। ଏତିକି ବେଳେ ଟଙ୍କା ଭରା ବ୍ୟାଗ୍ଟି ତଳେ ପଡ଼ି ରାସ୍ତାରେ ଟଙ୍କା ବିଛାଡ଼ି ହୋଇ ପଡ଼ିଲା। ବାଟୋଇ ଓ ସ୍ଥାନୀୟ ଲୋକେ ସେଠାକୁ ଧାଇଁ ଆସି ଥିଲେ। ସେମାନଙ୍କ ମଧ୍ୟରୁ ନର୍ଦ୍ଦମାରେ ପଡ଼ିଥିବା ଚୋରଟି ଶୂନ୍ୟକୁ ଗୁଳି ଚଳାଇଥିଲା ଲୋକଙ୍କୁ ଭୟଭୀତ କରାଇବାକୁ। ଘଟନାସ୍ଥଳରୁ ଅନ୍ୟଜଣକ ଧାଇଁ ପଳାଇଥିଲା।
ପରେ ପୁଲିସ ସେମାନଙ୍କ ମଧ୍ୟରୁ ଜଣକୁ ଗିରଫ କରି ୧୯ ଲକ୍ଷ ୬୫ ହଜାର ଟଙ୍କା ଉଦ୍ଧାର କରି ବାକି ଟଙ୍କା କଥା ପଚାରିବାରୁ ସେସବୁ ଲୋକେ ନେଇ ଯାଇଛନ୍ତି ବୋଲି ସେ କହିଲା।
ଘଟନାର ତଦନ୍ତ ଚାଲିଥିବା କଥା ପୁଲିସ କହିଛି।