ପାଟ୍‌ନା: ବିହାରର ଦରବାଙ୍ଗର ଲାଲବାଘ ଅଞ୍ଚଳର ଏକ ସରକାରୀ ସ୍କୁଲ୍‌ରେ ପ୍ରିନ୍ସିପାଲ୍‌ ଓ ଶିକ୍ଷକ ଛାତ୍ରଛାତ୍ରୀମାନଙ୍କୁ ଅଶ୍ଳୀଳ ଭିଡିଓ ଦେଖିବା ପାଇଁ ବାଧ୍ୟ କରୁଥିବା ଅଭିଯୋଗ ହୋଇଛି। ଏହି ଅଭିଯୋଗରେ ବିହାର ପୁଲିସ୍‌ ମଙ୍ଗଳବାର୍‌ ସ୍କୁଲର ପ୍ରିନ୍ସିପାଲ୍‌ ଓ ଶିକ୍ଷକଙ୍କୁ ଗିରଫ କରିଥିବା ଜାଣିବାକୁ ମିଳିଛି।

Advertisment

ପୁଲିସ୍‌ ଗିରଫ କରିଥିବା ଅଭିଯୁକ୍ତ ଦ୍ୱୟ ହେଉଛନ୍ତି ସ୍କୁଲ୍‌ର ଶିକ୍ଷକ କୁମାର ଆନନ୍ଦ ଶଙ୍କର ଓ ପ୍ରିନ୍ସିପାଲ୍‌ ସୁଜିତ କୁମାର ମିଶ୍ର। ଏହି ସ୍କୁଲ୍‌ରେ ପଢୁଥିବା ୨ ଜଣ ପିଲାଙ୍କର ଅଭିଭାବକ ପୁଲିସ୍‌ରେ ଅଭିଯୋଗ ଆଣିବା ପରେ ଏହି ସତ୍ୟ ସାମ୍ନାକୁ ଆସିଛି।

ଅଭିଯୁକ୍ତ ଦ୍ୱୟଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ରୁଜୁ ହୋଇଥିବା ମାମଲାରେ ସ୍କୁଲ୍‌ ସଚିବ ଙ୍କ ନାମ ମଧ୍ୟ ରହିଛି। ଏହି ଘଟଣା ପରେ ସ୍କୁଲ୍‌କୁ ଏବେ ୭ ଦିନ ପାଇଁ ବନ୍ଦ କରି ଦିଆଯାଇଛି।

ଏହି ଘଟଣାର ତଦନ୍ତ କରିବା ପାଇଁ ଜିଲ୍ଲା ଶିକ୍ଷା ଅଧିକାରୀ ଡକ୍ଟର ମହେଶ ପ୍ରସାଦ ସିଂହ ଏକ କମିଟି ଗଠନ କରିଛନ୍ତି।