ଭୁବନେଶ୍ୱର: କଳାହାଣ୍ଡିର ଜାରିଙ୍ଗସ୍ଥିତ ସର୍ଦ୍ଦାର ରାଜାସ୍‌ ମେଡିକାଲ୍‌ କଲେଜ ଓ ହସ୍ପିଟାଲ୍‌ର ମୁଖ୍ୟ ତଥା ଏହି କଲେଜ ପରିଚାଳନା କରୁଥିବା ସେଲଭମ୍‌ ଏଜୁକେସନାଲ୍‌ ଆଣ୍ଡ୍‌ ଚାରିଟେବୁଲ୍‌ ଟ୍ରଷ୍ଟର ମାନେଜିଂ ଟ୍ରଷ୍ଟ ଏ.ଜେ.ରାଜାଙ୍କୁ ଠକେଇ ଅଭିଯୋଗରେ ଗିରଫ କରାଯାଇଛି। ରାଜାଙ୍କୁ କ୍ରାଇମ୍‌ବ୍ରାଞ୍ଚର ଅର୍ଥନୈତିକ ଅପରାଧ ଶାଖା ତାମିଲନାଡୁର କନ୍ୟାକୁମାରୀ ଜିଲ୍ଲା ନଗରକଏଲ୍‌ରୁ ଗିରଫ କରିଥିବା ସୂଚନା ମିଳିଛି। ଗତ ୨୬ ତାରିଖରେ ତାଙ୍କୁ ଗିରଫ କରାଯିବା ପରେ ନଗରକଏଲ୍‌ଠାରେ ଅଦାଲତରେ ହାଜର କରାଯାଇଥିଲା। ଏହାପରେ ଅସୁସ୍ଥତା ହେତୁ ରାଜା ଡାକ୍ତରଖାନାରେ ଚିକିତ୍ସିତ ହୋଇଥିଲେ। ଶୁକ୍ରବାର  ଅର୍ଥନୈତିକ ଅପରାଧ ଶାଖା ତାଙ୍କୁ ଟ୍ରାଞ୍ଜିଟ୍‌ ରିମାଣ୍ଡ୍‌ରେ ଓଡ଼ିଶା ଆଣିଛି। ତାଙ୍କୁ ଜୁନାଗଡ଼ ଜେଏମ୍‌ଏଫସିଙ୍କ ନିକଟରେ ହାଜର କରାଯିବ।

Advertisment

publive-image

ଉଲ୍ଲେଖଯୋଗ୍ୟ କି ଜେ.ଏ.ରାଜାଙ୍କ ନାମରେ କୋଟି କୋଟି ଟଙ୍କାର ଠକେଇ ଓ ଜାଲିଆତି ଅଭିଯୋଗ ରହିଛି। ସେ କଳାହାଣ୍ଡିରେ ମେଡିକାଲ କଲେଜ କରିବା ଲାଗି ରାଜ୍ୟ ସରକାରୀଙ୍କଠାରୁ ଜମି ଓ ପଶ୍ଚିମ ଓଡ଼ିଶା ବିକାଶ ପରିଷଦଠାରୁ ୧୦ କୋଟି ଟଙ୍କା ଅନୁଦାନ ନେଇଥିଲେ। ଏହାପରେ ସେ ଆବଶ୍ୟକୀୟ ଭିତ୍ତିଭୂମି ନ କରି ଜାଲ କାଗଜପତ୍ର ଦାଖଲ କରି ମେଡିକାଲ୍‌ କାଉନ୍ସିଲ୍‌ ଅଫ୍‌ ଇଣ୍ଡିଆଠାରୁ ଏମ୍‌ବିବିଏସ୍‌ ପାଠ୍ୟକ୍ରମ ଲାଗି ଅନୁମତି ଆଣିଥିଲେ। ଏଥିସହ ସେ ବେଆଇନ୍‌ ଭାବେ ଛାତ୍ରଛାତ୍ରୀଙ୍କଠାରୁ କୋଟି କେଟି ଟଙ୍କା କ୍ୟାପିଟେସନ୍‌ ଫି ଆଦାୟ କରି ପାଠ୍ୟକ୍ରମ ଆଧାରୁ ଅଧାରୁ କଲେଜ ବନ୍ଦ କରି ଫେରାର୍‌ ହୋଇଯାଇଥିଲେ ବୋଲି ଜଣାପଡ଼ିଛି।