ଦଳିତ ମହିଳାଙ୍କ ଅଭିଯୋଗ : ଥାନାରେ ମାଡ଼ ମାରିବା ସହ ଗଣଦୁଷ୍କର୍ମ କଲେ ପୁଲିସ କର୍ମଚାରୀ
ଚୁରୁ(ରାଜସ୍ଥାନ) : ରାଜସ୍ଥାନର ଚୁରୁ ଜିଲ୍ଲାରେ ଏକ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି । ନିଲମ୍ବିତ ୫-୬ଜଣ ପୁଲିସ କର୍ମଚାରୀ ମିଶି ଦଳିତ ମହିଳାଙ୍କ ସହ ଦୁଷ୍କର୍ମ କରିଥିବା ଖବର ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ଥାନାରେ ମାଡ଼ ମରାଯିବା ସହ ଗଣ ଦୁଷ୍କର୍ମ କରାଯାଇଥିବା ନେଇ ରବିବାର ପୁଲିସ ଷ୍ଟେସନରେ ଅଭିଯୋଗ କରିଛନ୍ତି ପୀଡ଼ିତା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜୁଲାଇ ୬ରେ ନେମିଚାନ୍ଦ ନାୟକ ଏବଂ ତାଙ୍କ ଭାଉଜଙ୍କୁ ଚୋରି ଅଭିଯୋଗରେ ପୁଲିସ ଗିରଫ କରିଥିବା ବେଳେ ଜେଲରେ ହିଁ ନେମିଚନ୍ଦଙ୍କ ମୃତ୍ୟୁ ହୋଇଥିଲା । ପୁଲିସ ଷ୍ଟେସନ ଯିବା ପରେ ୫-୬ଜଣ ପୁଲିସ ଅଧିକାରୀ ନେମିଚାନ୍ଦ ଏବଂ ତାଙ୍କ ଭାଉଜଙ୍କୁ ମାଡ଼ ମାରିଥିଲେ । ପ୍ରତାରିତ କରିବା ସହ ପୀଡ଼ିତାଙ୍କ ସହ ସମସ୍ତେ ମିଶି ନେମିଚାନ୍ଦଙ୍କ ଆଗରେ ଗଣଦୁଷ୍କର୍ମ କରିଥିଲେ । ପୀଡ଼ିତା ଅଚେତ ହୋଇଯିବା ସହ କିଛି ସମୟରେ ନେମିଚାନ୍ଦଙ୍କ ଅବସ୍ଥା ଗୁରୁତର ହେବାରୁ ଦୁହିଁଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତରଖାନାରେ ନେମିଚାନ୍ଦ ମୃତ୍ୟୁ ହୋଇଥିଲା । ଏବେ ପୀଡ଼ିତାଙ୍କ ଚେତା ଫେରିବା ପରେ ପୁଲିସ ତାଙ୍କ ବୟାନ ରେକର୍ଡ କରି ମାମଲା ରୁଜୁ କରିବା ସହ ଅଭିଯୁକ୍ତ ପୁଲିସକର୍ମୀମାନଙ୍କୁ ନିଲମ୍ବିତ କରାଯାଇଥିବା ଜଣା ପଡ଼ିଛି ।