ପ୍ରେମରେ ସାରା ଜୀବନର ପୁଞ୍ଜି ଲଗାଇ ମଧ୍ୟ ଧୋକା ମିଳିବାରୁ ଫେସ୍ବୁକ୍ ଲାଇଭ୍ କରି ଆତ୍ମହତ୍ୟା କଲେ ଯୁବକ
ସିକର : ରାଜସ୍ଥାନର ସିକରରେ ଜଣେ ଯୁବକ ଫେସ୍ବୁକ୍ ଲାଇଭ୍ କରି ଆତ୍ମହତ୍ୟା କରିବା ଖବର ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ପ୍ରେମରେ ଧୋକା ମିଳିବା ପରେ ଯୁବକ, ପ୍ରେମ କରିବ ନାହିଁ । ପ୍ରେମରେ କେବଳ ଧୋକା ମିଳେ ବୋଲି କହି ଯୁବକ ଏଭଳି ଚରମ ପଦକ୍ଷେପ ନେଇଥିବା ଜଣା ପଡ଼ିଛି । ଲାଇଭ୍ ଭିଡିଓଟି ଭାଇରାଲ ହେଉଥିବା ବେଳେ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୁଲିସ କହିବା ଅନୁଯାୟୀ, ମୃତକଜଣଙ୍କ ସାଉଦି ଆରବରେ ଚାକିରି କରୁଥିବା ବେଳେ ପାଖ ଗାଁର ଜଣେ ଯୁବତୀଙ୍କୁ ପ୍ରେମ କରୁଥିଲେ । ସାଉଦି ଆରବରୁ ଫେରି ସେ ବିବାହ କରିବାକୁ ଚାହୁଁଥିଲେ । କିନ୍ତୁ ଯୁବତୀଙ୍କ ବାପା ଏ ନେଇ ରାଜି ହେଉ ନଥିଲେ । ଯୁବତୀଜଣଙ୍କ ୭ଲକ୍ଷ ଟଙ୍କା ବାପାଙ୍କ ଆକାଉଣ୍ଟକୁ ପଠାଅ । ଟଙ୍କା ଦେଖି ବାପା ରାଜି ହୋଇଯିବେ ବୋଲି ମୃତକଙ୍କୁ କହିଥିଲେ ଯୁବତୀ । ଏହା ପରେ ମୃତକ ନିଜ ପ୍ରେମିକାଙ୍କ ବାପାଙ୍କ ଆକଉଣ୍ଟକୁ ୭ଲକ୍ଷ ଟଙ୍କା ପଠାଇଥିଲେ । ଟଙ୍କା ପଠାଇବା ପରେ ମଧ୍ୟ ପ୍ରେମିକାର ବାପା ବିବାହ ପାଇଁ ରାଜି ନ ହେବା ସହ ପ୍ରେମିକା ମଧ୍ୟ ଫୋନ ଉଠାଇବା ବନ୍ଦ କରି ଦେଇଥିଲା । ରାଗରେ ଗାଁକୁ ଫେରି ମୃତକଜଣଙ୍କ ଲାଇଭ୍ ଭିଡିଓ କରିବା ସହ ନିଜ ଗଳା କାଟି ଦେଇଥିଲେ । ଆତ୍ମହତ୍ୟା କରିବା ପୂର୍ବରୁ ସେ ନିଜ ମା’କୁ ଫୋନ କରି ଆତ୍ମହତ୍ୟା କରୁଥିବା ଜଣାଇଥିଲେ । ଖବର ପାଇଁ ମୃତକଙ୍କ ମା’ ଘଟଣାସ୍ଥଳରେ ପହଞ୍ଚିବା ବେଳକୁ ଯୁବକଙ୍କ ମୃତ୍ୟୁ ହୋଇ ସାରିଥିଲା ।