ସ୍ୱାମୀଙ୍କ ସହ ହୋଟେଲରେ ପହଞ୍ଚିଲେ ମହିଳା,ହୋଟେଲ ତରଫରୁ ଦିଆଯାଇଥିବା ମୃଦୁପାଦୀୟ ପିଇବା ପରେ ବେହୋସ ହୋଇଗଲେ ସ୍ୱାମୀ, ଆଉ ତା’ ପରେ….
ଜଲନ୍ଧର : ପଞ୍ଜାବର ଜଲନ୍ଧରରେ ଥିବା ଏକ ହୋଟେଲରେ ଜଣେ ମହିଳାଙ୍କୁ ଦୁଷ୍କର୍ମ କରାଯାଇଥିବା ଜଣା ପଡ଼ିଛି । ପୀଡ଼ିତା ନିଜ ସ୍ୱାମୀଙ୍କ ସହ ହୋଟେଲ ଯାଇଥିବା ବେଳେ ହୋଟେଲର କର୍ମଚାରୀ ତାଙ୍କୁ ତାଙ୍କ ରୁମ୍ରେ ପହଞ୍ଚାଇଥିଲେ । ରୁମ୍ରେ ପହଞ୍ଚିବା ପରେ ହୋଟେଲ ତରଫରୁ ଦମ୍ପତିଙ୍କୁ ମୃଦୁପାଦୀୟ ପିଇବାକୁ ଦିଆଯାଇଥିଲା । ଯାହାକୁ ପିଇବା ପରେ ପୀଡ଼ିତାଙ୍କ ସ୍ୱାମୀ ବେହୋସ ହୋଇ ଯାଇଥିଲେ । ଏହାର ଫାଇଦା ଉଠାଇ ହୋଟେଲର ଦୁଇ କର୍ମଚାରୀ ପୀଡ଼ିତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଦୁଷ୍କର୍ମ କରିବା ସମୟର ଦୁଇ କର୍ମଚାରୀ ଏକ ଭିଡ଼ିଓ ତିଆରି କରିବା ସହ ପାଟି କଲେ ଭିଡ଼ିଓ ଭାଇରାଲ କରି ଦେବାର ଧମକ ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ମହିଳା ଜଣଙ୍କ କରିଥିବା ଅଭିଯୋଗ ଅନୁଯାୟୀ, ହୋଟେଲରେ ମୁଁ ମୋ ସ୍ୱାମୀଙ୍କ ସହ ପହଞ୍ଚିବା ପରେ ମୋତେ ରିସେପ୍ସନ୍ରେ ବସିଥିବା କର୍ମଚାରୀ ଖରାପ ନଜରରେ ଦେଖିବା ଆରମ୍ଭ କରିଥିଲେ । ଏହା ପରେ ଆମକୁ ରୁମ୍ ନମ୍ବର ୫୦୫ର ଚାବି ଦେଇ ସେମାନେ ଯିବାକୁ କହିଥିଲେ । ରୁମ୍ରେ ପହଞ୍ଚିବା ପରେ ଆମକୁ ହୋଟେଲର ଜଣେ େଓ୍ଵଟର ଆସି ମୃଦୁପାନୀୟ ପିଇବାକୁ ଦେଇଥିଲେ । ଯାହାକୁ ମୋ ସ୍ୱାମୀ ପିଇ ବେହୋସ ହୋଇ ଯାଇଥିଲେ । ଏହା ପରେ େଓ୍ଵଟରଙ୍କ ସମେତ ହୋଟେଲର ଜଣେ କର୍ମଚାରୀ ରୁମ୍ର ଟିଭି ଠିକ୍ କରିବା ବାହାନାରେ ଆମ ରୁମ୍କୁ ଜୋର ଜବରଦସ୍ତ ପଶି ଆସିବା ସହ ମୋତେ ଆଉ ଏକ ରୁମ୍କୁ ଡ଼ାକିଥିଲେ । ମୁଁ ମନା କରିବା ପରେ ହୋଟେଲର ସମସ୍ତଙ୍କ ଷ୍ଟାପ୍ ମୋ ହାତରେ ଏବଂ ମୁଁ ଚାହିଁଲେ ତୁମମାନଙ୍କର କିଛି ବି କରି ପାରିବି ବୋଲି କହି ମୋତେ କର୍ମଚାରୀ ଜଣଙ୍କ ଧମକ ଦେଇଥିଲେ । କିନ୍ତୁ ସବୁ ପରେ ମୁଁ ନ ମାନିବାରୁ ମୋତେ ଜୋର ଜବରଦସ୍ତ ଏକ ରୁମ୍କୁ ନେଇ ମୋ ସହ ଦୁଷ୍କର୍ମ କରିଥିଲେ । ଏ ନେଇ ଅଭିଯୋଗ କରିବା ପରେ ପୁଲିସ ତୁରନ୍ତ ତଦନ୍ତ ଆରମ୍ଭ କରିଥିବା ଜଣା ପଡ଼ିଛି ।