ଦୁଷ୍କର୍ମକାରୀର ଭଉଣୀ ସହ ପୀଡ଼ିତାର ଭାଇକୁ ଦୁଷ୍କର୍ମ କରିବା ପାଇଁ ଅନୁମତି ଦେଇ ଜେଲ ଗଲେ ପରିବାର ଲୋକ
ଇସ୍ଲାମବାଦ୍: ଦୁଷ୍କର୍ମର ଶିକାର ହୋଇଥିବା ଯୁବତୀଙ୍କ ଭାଇ ଦୁଷ୍କର୍ମକାରୀର ଭଉଣୀକୁ ଦୁଷ୍କର୍ମ କରିବାକୁ ଅନୁମତି ପାଇବା ଭଳି ଏକ ବିଚିତ୍ର ଘଟଣା ସାମ୍ନାକୁ ଆସିଛି। ଆଇନ-ଅଦାଲତର ଆଶ୍ରୟ ନ ନେଇ ପାରିବାରିକ ସହମତିରେ ଏପରି କାର୍ଯ୍ୟ ଲାଗି ପ୍ରବର୍ତ୍ତାଇ ଥିବାରୁ ୧୨ ଜଣଙ୍କୁ ଗିରଫ କରିଛି ପୁଲିସ । ଏହି ଘଟଣା ସାମ୍ନାକୁ ଆସିବା ପରେ ପୁଲିସ ୧୨ ଜଣଙ୍କୁ ଗିରଫ କରିବା ସହ କୋର୍ଟରେ ହାଜର କରାଇଥିଲା । ମାମଲା ବିଷୟରେ ଜାଣିବା ପରେ ଅଧିକ ତଦନ୍ତ ପାଇଁ କୋର୍ଟ ପୁଲିସକୁ ନିର୍ଦ୍ଦେଶ ଦେଇଥିବା ଜଣାପଡ଼ିଛି । ଏ ନେଇ ଅଭିଯୁକ୍ତ ୧୨ଜଣଙ୍କୁ ଜାମିନ ମିଳି ନ ଥିବା ବେଳେ ସପ୍ତାହେ ପର୍ଯ୍ୟନ୍ତ ସେମାନଙ୍କୁ ହେପାଜତକୁ ନିଆ ଯାଇଥିବା ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇସଲାମାବାଦର ପିର୍ମହଲରେ ରହୁଥିବା ଅଭିଯୁକ୍ତ ଓ୍ଵାସିମ୍ ସଇଦ୍ ପଡ଼ିଶା ଘରେ ରହୁଥିବା ଜଣେ ଯୁବତୀଙ୍କ ସହ ଦୁଷ୍କର୍ମ କରିଥିଲେ । ଏହି ଘଟଣା ସାମ୍ନାକୁ ଆସିବା ପରେ ପୁଲିସରେ ଏତଲା ନ ଦେଇ ଅଭିଯୁକ୍ତର ପରିବାର ଲୋକେ ପୀଡ଼ିତାଙ୍କ ଭାଇକୁ ତାଙ୍କ ଝିଅ ସହ ଦୁଷ୍କର୍ମ କରିବାର ଅନୁମତି ଦେଇଥିଲେ । ଦୁଇ ପରିବାର ଏହି ସର୍ତ୍ତରେ ରାଜି ହେବା ପରେ ପୀଡ଼ିତାଙ୍କ ଭାଇ ମଧ୍ୟ ଅଭିଯୁକ୍ତର ଭଉଣୀ ସହ ଦୁଷ୍କର୍ମ କରିବା ପାଇଁ ରାଜି ହୋଇଥିଲେ ।
ଏହାକୁ ସେ ଅଞ୍ଚଳରେ ଓ୍ଵାନି ବୋଲି କୁହାଯାଏ, ଯାହା ଅଜି ଯାଏ ମଧ୍ୟ ପ୍ରଚଳିତ ହୋଇ ଆସୁଛି । ଅନ୍ୟ ପକ୍ଷରେ ଏନେଇ ପୁଲିସକୁ ସୂଚନା ମିଳିବା ପରେ ଆଉ ଏକ ଦୁଷ୍କର୍ମ ହେବା ପୂର୍ବରୁ ପୁଲିସ ସେଠାରେ ପହଞ୍ଚି ଦୁଇ ପରିବାରର ୧୨ଜଣଙ୍କୁ ଗିରଫ କରି କୋର୍ଟ ଚାଲଣ କରିଥିଲା ।