ମିଠା ଦେକାନକୁ ଯାଇଥିଲେ ବ୍ୟବସାୟୀ, ବାଇକ୍ ଡିକି ଭାଙ୍ଗି ୨ଲକ୍ଷ ଟଙ୍କା ଲୁଟ ଅଭିଯୋଗ
କମିସନରେଟ୍ ପୁଲିସକୁ ଲୁଟେରାଙ୍କ ଡର ନାହିଁ
ଭୁବନେଶ୍ୱର: ଦିନ ଦ୍ୱିପ୍ରହରରେ ଗୁରୁବାର ଦୁର୍ବୃତ୍ତମାନେ ୨ ଲକ୍ଷ ଟଙ୍କା ଲୁଟ୍ କରିଥିବା ଅଭିଯୋଗ ହୋଇଛି। ଭୁବନେଶ୍ୱର ଖାରବେଳ ନଗର ଥାନା ଅର୍ନ୍ତଗତ ୟୁନିଟ-୪ ଅଂଚଳରେ ଦୁର୍ବୃତ୍ତମାନେ ବାଇକ୍ ଡିକି ଭାଙ୍ଗି ଟଙ୍କା ଲୁଟ୍ କରିଥିବା ଅଭିଯୋଗ ହୋଇଛି। ଟଙ୍କା ଲୁଟ୍ ପରେ ଲୁଟେରାମାନେ କେଉଁଆଡେ ଚାଲି ଯାଇଛନ୍ତି, ତାହା ଜଣାପଡ଼ି ନାହିଁ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନିକୋ ପାର୍କ ଅଂଚଳରେ ରହୁଥିବା କମଳାକାନ୍ତ ନାୟକ ଆଜି ୟୁନିଟ-୧ସ୍ଥିତ ଏକ ବ୍ୟାଙ୍କରୁ ୨ ଲକ୍ଷ ଟଙ୍କା ଉଠାଇ ଘରକୁ ଫେରୁଥିଲେ। ଫେରିବା ବାଟରେ ସେ ବାଇକକୁ ୟୁନିଟ-୪ସ୍ଥିତ ଗାଙ୍ଗୁରାମ ମିଠା ଦୋକାନ ସମ୍ମୁଖରେ ବାଇକ ରଖି ଦେଇ ମିଠା ଆଣିବାକୁ ଯାଇଥିଲେ। ଏହି ସମୟରେ ଲୁଟେରାମାନେ ବାଇକ୍ ଡିକି ଭାଙ୍ଗି ୨ ଲକ୍ଷ ଟଙ୍କା ନେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ରାଜଧାନୀ ଭୁବନେଶ୍ୱରର ଅନ୍ୟତମ ବ୍ୟସ୍ତବହୁଳ ସ୍ଥାନ ୟୁନିଟ-୪ ଅଚଂଳରେ ଦିନ ଦ୍ୱିପ୍ରହରରେ ଲକ୍ଷାଧିକ ଟଙ୍କା ଲୁଟ ଘଟଣା ପରେ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି। କମିସନରେଟ ପୁଲିସର ବ୍ୟାପକ ସୁରକ୍ଷା ବ୍ୟବସ୍ଥା ପରେ ବି ଲୁଟେରାମାନେ ପୁଲିସକୁ ଖାତିର କରୁ ନ ଥିବା ଏହି ଲୁଟ ପ୍ରମାଣିତ କରୁଛି।