ଶ୍ଲୋକ ପଢ଼ି ନ ପାରିବାରୁ ଦୁଇ ଛାତ୍ରଙ୍କ ଗୁପ୍ତାଙ୍ଗକୁ ମାଞ୍ଜା ସୂତାରେ ବାନ୍ଧି ମାଡ଼ ମାରିଲେ ଶିକ୍ଷକ
ପୁଣେ: ମହାରାଷ୍ଟ୍ରର ପୁଣେ ଘଟିଥିବା ଏକ ଜଘନ୍ୟ ଘଟଣା ଜଣେ ଶିକ୍ଷକଙ୍କର କର୍ତ୍ତବ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଦୁଇ ଛାତ୍ର ରାତି ଖାଦ୍ୟ ଖାଇବା ପୂର୍ବରୁ ଶ୍ଲୋକ ପଢ଼ି ନ ପାରିବାରୁ ରାଗରେ ଶିକ୍ଷକ ଦେଇଥିବା ସେମାନଙ୍କୁ ଦେଇଥିବା ଦଣ୍ଡକୁ ନେଇ ଏବେ ସେ ଅଞ୍ଚଳରେ ତୀବ୍ର ପ୍ରତିକ୍ରିୟା ଦେଖା ଯାଇଛି । ଏହି ଘଟଣା ପରେ ଦୁଇ ଛାତ୍ରଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଅଭିଯୁକ୍ତ ଶିକ୍ଷକଙ୍କୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସଂପୃକ୍ତ ଦୁଇ ଛାତ୍ର ଏକ ବୈଦିକ ସ୍କୁଲରେ ପାଠ ପଢ଼ୁଥିବା ବେଳେ ରାତି ଖାଦ୍ୟ ସମୟରେ ଶ୍ଲୋକ ପଢ଼ି ପାରି ନଥିଲେ । ଏହା ଦେଖି ଶିକ୍ଷକ ସୁଧିର୍ କୁଲକର୍ଣ୍ଣି ଦୁଇ ଛାତ୍ରଙ୍କ ଗୁପ୍ତାଙ୍ଗକୁ ଗୁଡ଼ି ଉଡ଼ାଇବା ପାଇଁ ବ୍ୟବହାର କରାଯାଉଥିବା ମାଞ୍ଜା ଦିଆ ସୂତାରେ ବାନ୍ଧିଦେବା ସହ ମାଡ଼ ସେମାନଙ୍କୁ ନିର୍ଘାତ ମାଡ଼ ମାରିଥିଲେ । ମାଞ୍ଜା ସୂତାର ଧାର ଅଧିକ ଥିବାରୁ ଦୁଇ ଛାତ୍ରଙ୍କ ଗୁପ୍ତାଙ୍ଗ କଟିଯିବା ସହ ସେମାନଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରେ ଲାଗିଥିଲା । ଏ ନେଇ ଦୁଇ ଜଣଙ୍କ ପରିବାର ଲୋକଙ୍କୁ ସୂଚନା ମିଳିବା ପରେ ସେମାନେ ସ୍କୁଲରେ ପହଞ୍ଚି ଦୁଇ ଛାତ୍ରଙ୍କୁ ଡ଼ାକ୍ତରଖାନା ନେଇଥିଲେ ।