ସ୍କୁଲ ଶୌଚାଳୟରେ ସାତ ବର୍ଷର ନାବାଳିକା ସହ ଦୁଷ୍କର୍ମ କରି ଯୁବକ ଗିରଫ

ନାଗପୁର: ମହାରାଷ୍ଟ୍ରର ନାଗପୁର ଜିଲ୍ଲାର ଏକ ସ୍କୁଲର ଶୌଚାଳୟରେ ଜଣେ ସାତ ବର୍ଷର ନାବାଳିକାକୁ ଦୁଷ୍କର୍ମ ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ଏନେଇ ପୁଲିସ ଏହି ସୂଚନା ଦେଇଛି।
ପୁଲିସର ସୂଚନାନୁସାରେ, ଏହି ଅପରାଧ ଶନିବାର ସନ୍ଧ୍ୟାରେ କାଟୋଲ ତହସିଲର କୋଣ୍ଡାସୱାଲି ଗ୍ରାମରେ ଘଟିଛି।
କାଟୋଲ ପୁଲିସ କହିଛି ଯେ ଜଣେ ଗ୍ରାମବାସୀ ପୀଡ଼ିତା ଝିଅକୁ ଅଭିଯୁକ୍ତଙ୍କ କବଳରୁ ଉଦ୍ଧାର କରିଥିଲେ। ଏହି ମାମଲାରେ ଅଙ୍କୁଶ ଭୋସ୍କର (25) ନାମକ ଜଣେ ସ୍ଥାନୀୟ ଯୁବକଙ୍କୁ ଗିରଫ କରାଯାଇଛି।
ଆଇପିସିର ଧାରା ୩୭୬ଏବି ଏବଂ ୫୦୬ ବ୍ୟତୀତ ଶିଶୁ ଯୌନ ଶୋଷଣ ଆଇନ (ପୋକ୍ସୋ)ର ବିଭିନ୍ନ ବିଭାଗ ଅଧୀନରେ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଅଭିଯୁକ୍ତଙ୍କୁ ଗିରଫ କରିବା ପରେ ତାଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା ଯେଉଁଠାରେ ତାଙ୍କୁ ତିନି ଦିନିଆ ପୁଲିସ ହେପାଜତକୁ ପଠାଇ ଦିଆଯାଇଥିଲା।