୬ ବର୍ଷୀୟ ନାବାଳିକାକୁ ଦୁଷ୍କର୍ମ ଅଭିଯୋଗ, ୧୨ ବର୍ଷୀୟ ନାବାଳକ ଅଟକ

ରାଇରଙ୍ଗପୁର/ବାଦାମପାହାଡ଼: ନାବାଳିକାକୁ ଜଣେ ନାବାଳକ ଅପହରଣ ପରେ ଦୁଷ୍କର୍ମ କରିଥିବା ନେଇ ଅଭିଯୋଗ ଆସିଛି। ମୟୂରଭଂଜ ଜିଲ୍ଲାରେ ଲଜ୍ଜା ଘଟଣା ସାମ୍ନାକୁ ଆସିଛି। ଜଣେ ୬ ବର୍ଷର ନାବାଳିକାଙ୍କୁ ଜଣେ ୧୨ ବର୍ଷର ନାବାଳିକା ଅପହରଣ କରି ଦୁଷ୍କର୍ମ କରିଥିବା ଅଭିଯୋଗ ହୋଇଛି। 

ଅଭିଯୋଗ ଅନୁଯାୟୀ ମୟୂରଭଂଜ ଜିଲ୍ଲା ବାଦାମପାହାଡ଼ ଥାନା ଅର୍ନ୍ତଗତ ତୋଲକପୋଖରୀ ଗ୍ରାମପଞ୍ଚାୟତ ଏଜ ଗ୍ରାମର ଜଣେ ୬ ବର୍ଷର ଆଦିବାସୀ ନାବାଳିକା ସ୍କୁଲରୁ ଛୁଟି ହୋଇ ଫେରୁଥିବା ସମୟରେ ସେହି ଗ୍ରାମର ୧୨ ବର୍ଷର ଆଦିବାସୀ ନାବାଳକ ତାଙ୍କୁ ବଳପୂର୍ବକ ଏକ ବଇତାଳୁ ବାଗାନକୁ ନେଇଯାଇଥିଲା। ନାବାଳିକାର ଝିଅ ଲୋକେ ବହୁ ଖୋଜାଖୋଜି ପରେ ମଧ୍ୟ ପାଇନଥିଲେ। ପରେ ବାଦାମପାହାଡ଼ ଥାନାରେ ଅଭିଯୋଗ କରିବା ପରେ ପୁଲିସ ଛାନଭିନ୍ ଆରମ୍ଭ କରିଥିଲା। ସନ୍ଧ୍ୟ। ୭ଟା ପରେ ନାବାଳିକାଙ୍କ କାନ୍ଦ ଶୁଣି ପୁଲିସ ବଇତାଳୁ ବାଗାନରୁ ନାବାଳିକାଙ୍କୁ ଉଦ୍ଧାର କରିଥିଲା।

ଉଦ୍ଧାର ପରେ ନାବାଳିକା ଜଣକ ପୁଲିସ ଓ ଅଭିଭାବକଙ୍କୁ କାନ୍ଦିକାନ୍ଦି ସବୁ କହିଥିଲା। ଦୁଷ୍କର୍ମ କରିଥିବା ନାବାଳକକୁ ପୁଲିସ ରାତି ୧୧.୩୦ରେ ଏକା ପରିତକ୍ତ ପାଇଖାନା ଗୃହରୁ ଉଦ୍ଧାର କରି ଅଟକ ରଖିଥିବା ସୂଚନା ମିଳିଛି। ଏନେଇ ବାଦାମପାହାଡ଼ ଥାନା ଅଧିକାରୀ କେ.କେ ହେମ୍ବ୍ରମ୍ କେସ୍ ନଂ ୧୩୬/୨୪ ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରିରଖିଛନ୍ତି।