ନୂଆଦିଲ୍ଲୀ: କଥାରେ ଅଛି ବାପ ଖାଇଲେ ତାଳ, ପୁଅ ମୁଣ୍ତରେ କାଳ । ଅର୍ଥାତ୍ ବାପା ମାଆ ଯାହା କରନ୍ତି ପିଲାଙ୍କ ଉପରେ ତାହାର ପ୍ରଭାବ ପଡ଼ିଥାଏ । ଏହି କ୍ରମରେ କହିବାକୁ ଗଲେ ଜଣେ ମହିଳା କରୁଥିବା କାମ ପାଇଁ ସାତ ବର୍ଷର ପିଲାକୁ ସ୍କୁଲରୁ ନିଲମ୍ବିତ କରାଯାଇଛି । ଏହାର କାରଣ ହେଉଛି ଉକ୍ତ ପିଲାର ମା’ ଜଣଙ୍କ ଏକ ଆଡଲ୍ଟ ଓ୍ୱେବ୍ ସାଇଟରେ କାମ କରନ୍ତି । ଏଥିରେ ସେ ଯେଉଁଭଳି ପୋଷାକ ପିନ୍ଧନ୍ତି ତାହାକୁ ନେଇ ସ୍କୁଲ ପ୍ରଶାସନ ତାଙ୍କ ପିଲାକୁ ନିଲମ୍ବିତ କରିଦେଇଛନ୍ତି । ଉକ୍ତ ମହିଳାଙ୍କ ନାମ ହେଉଛି ସାରା ବ୍ଲେକ୍ ଚିକ୍।
Sambad is now on WhatsApp
Join and get latest news updates delivered to you via WhatsApp
ନିଜେ ସାରା ବ୍ଲେକ୍ ଚିକ୍ ବି ଦାବି କରିଛନ୍ତି, ତାଙ୍କର ପେଷାଗତ କାରଣକୁ ନେଇ ତାଙ୍କ ପୁଅକୁ ସ୍କୁଲରୁ ବାହାର କରାଇଛି । ଏହା ନୂଆ ନୁହେଁ, ପୂର୍ବରୁ ଭିକ୍ଟୋରିଆ ଟିଜ୍ ନାମକ ଜଣେ ମହିଳାଙ୍କ ସହ ମଧ୍ୟ ଏପରି ଘଟଣା ଘଟି ସାରିଛି । ସେତେବେଳେ ଜଣେ ପିଲାର ଅଭିବାକ ସ୍କୁଲର ପ୍ରିନ୍ସପାଲଙ୍କୁ ତାଙ୍କ ଓ୍ବେବ୍ ସାଇଟରେ କାମ କରୁଥିବା କଥା ଜଣାଇଥିଲେ । ପରେ ଭିକ୍ଟୋରିଆ ଉକ୍ତ ସ୍କୁଲ ବିରୋଧରେ ଏକ ଅଭିଯୋଗ କରିଥିଲେ । ଏବେ ଏହି ଘଟଣାରେ ସାରା ଭିକ୍ଟୋରିଆଙ୍କୁ ସମର୍ଥନ କରୁଛନ୍ତି ।
ଦେଖିବାକୁ ଗଲେ ଆଗରୁ ସାରା ଓ ଭିକ୍ଟୋରିଆ ଗୋଟିଏ ଓ୍ବେବ୍ ସାଇଟରେ କାମ କରୁଥିଲେ । ସାରାଙ୍କ କହିବା କଥା ତାଙ୍କ ପୁଅର ସ୍କୁଲରେ ଥିବା ଫୁଟୁବଲ ସଙ୍ଘରୁ ତାଙ୍କୁ ମଧ୍ୟ ବାହାର କରାଯାଇଛି ।
ଯାହାଦ୍ବାରା ସେ ତାଙ୍କ ପୁଅର ପ୍ରାକ୍ଟିସ୍ କରାଇପାରୁନାହାନ୍ତି । ଏହା ସହ ସେ ଆହୁରି କହିଛନ୍ତି, ତାଙ୍କର ବିଶ୍ବାସ ଅଛି ବିକ୍ଟୋରିଆ ଓ ତାଙ୍କୁ ନିଶ୍ଚୟ ନ୍ୟାୟ ମିଳିବ । ସାରା ଏବେ ତାଙ୍କ ପୁଅକୁ ଘରୋଇ ଟ୍ୟୁସନ ଦେବା ସହ ଏକ ପବ୍ଲିକ୍ ସ୍କୁଲରେ ପଢ଼ାଉଛନ୍ତି ।