ହାଇଦ୍ରାବାଦ୍ : ପ୍ରେମରେ ବିଫଳ ହୋଇ ଆତ୍ମହତ୍ୟାକୁ ସହଜ ବାଟ ବାଛି ନେଇଛନ୍ତି ଯୁବତୀ । ପ୍ରେମରେ ବିଫଳ ହେବାର ଦୁଃଖ ସହି ନ ପାରି ଜେଦିମେଟ୍ ଲାରେ ଥିବା ତାଙ୍କ ବାସଭବନରେ ଆତ୍ମହତ୍ୟା କରିଛନ୍ତି ଯୁବତୀ । ମୃତ ଦେହ ପାଖରୁ ଯୁବତୀଙ୍କର ହାତଲେଖା ଚିଠି ମିଳିଥିବା ବେଳେ ତାଙ୍କ ମୃତ୍ୟୁ ପାଇଁ ତାଙ୍କ ପ୍ରେମିକ କିଶୋର ଦାୟୀ ବୋଲି ଯୁବତୀ ଜଣଙ୍କ ଲେଖିଛନ୍ତି । ଶନିବାର ଏହି ଘଟଣା ଘଟିଥିବା ବେଳେ ଆତ୍ମହତ୍ୟା ପାଇଁ ଉସକାଇଥିବାରୁ କିଶୋରଙ୍କ ବିରୋଧରେ ମାମଲା ରୁଜୁ କରାଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୂଯାୟୀ, ଏମ୍ଟେକ୍ ପାଠ ପଢ଼ୁଥିବା ଜେ. ଚୈତନ୍ୟାଙ୍କର ତାଙ୍କ ସହପାଠୀ କିଶୋରଙ୍କ ସହ ପ୍ରେମ ସଂପର୍କ ଗଢ଼ି ଉଠିଥିଲା । କିଛି ଦିନ ପରେ କୌଣସି କାରଣରୁ କିଶୋର ଚୈତନ୍ୟାଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା । ଏଥି ପାଇଁ ଦୁହେଁ ଦୁହିଁଙ୍କ ଠାରୁ ଅଲଗା ହୋଇ ଯାଇଥିଲେ । କିଶୋରଙ୍କ ଉପରେ ଏହାର କିଛି ପ୍ରଭାବ ପଡ଼ି ନ ଥିବା ବେଳେ ଜେ. ଚୈତନ୍ୟା ଭାଙ୍ଗି ପଡ଼ିଥିଲେ । ତାଙ୍କୁ ଭୁଲି ନ ପାରି ସେ ନିଜ ଜୀବନ ହାରିବାକୁ ଠିକ୍ କରି ନେଇଥିଲେ ।
ଶନିବାର ଘରେ କେହି ନ ଥିଲା ବେଳେ ଏହାର ସୁଯୋଗ ନେଇ ଜେ. ଚୈତନ୍ୟା ବେକରେ ରଶି ଲଗାଇ ଆତ୍ମହତ୍ୟା କରିଥିଲେ । ପରିବାର ଲୋକେ ଘରକୁ ଫେରିବା ପରେ ଚୈତନ୍ୟାଙ୍କ ମୃତ ଦେହ ପଙ୍ଖାରେ ଝୁଲୁଥିବାର ଦେଖିଥିଲେ । ପୁଲିସକୁ ଏ ନେଇ ସୂଚନା ଦିଆଯିବା ପରେ ପୁଲିସ ଘଟଣା ସ୍ଥଳରେ ପହଞ୍ଚିବା ସହ ମୃତଦେହକୁ ଉଦ୍ଧାର କରିଥିଲା ।