ମାଛ ଧରିବାକୁ ଯାଇଥିଲେ, ହାତରେ ଲାଗିଲା ୨୩୪କୋଟି ଟଙ୍କାର ଜିନିଷ
ଚେଙ୍ଗଲପାଟ୍ଟୁ: ତାମିଲନାଡୁର ଚେଙ୍ଗଲପାଟ୍ଟୁ ଜିଲ୍ଲାର ମମଲାଲାପୁରମ୍ ଅଞ୍ଚଳରେ ମତ୍ସ୍ୟଜୀବୀମାନେ ସମୁଦ୍ରକୁ ମାଛ ଧରିବାକୁ ଯାଇଥିବା ବେଳେ ଯେଉଁ ଘଟଣା ଘଟିଥିଲା, ତାହା ବିଶ୍ୱାସ କରିବା ସହଜ ନଥିଲା | କିଛି ଟଙ୍କା ପାଇଁ ମତ୍ସ୍ୟଜୀବୀମାନେ ମାଛ ଧରିବା ଯାଇଥିବା ବେଳେ ହାତରେ ୨୩୪ କୋଟି ଟଙ୍କାର ଜିନିଷ ଲାଗିବ ଦେଖି ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ | ପ୍ରଥମେ ଭାରି ଏବଂ ବଡ ମାଛ ତାଙ୍କ ଜାଲରେ ପଡିଛି ବୋଲି ସେମାନେ ଭାବିଥିବା ବେଳେ ପରେ ପ୍ରକୃତ ଘଟଣା ସାମ୍ନାକୁ ଆସିଥିଲା | ଜାଲ ଭିତରେ ଫସିଥିବା ଜିନିଷଟି ମାଛ ନୁହେଁ ବୋଲି ଜାଣିବା ପରେ ସେମାନେ ଜାଲ ଭିତରେ ଥିବା ବଡ ବକ୍ସକୁ ବାହାର କରିଥିଲେ, ଯେଉଁଥିରେ ଚାଇନିଜ୍ ଏବଂ ଇଂରାଜୀ ଭାଷାରେ କିଛି ଲେଖାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
କୂଳକୁ ଆଣି ପରୀକ୍ଷା କରାଯିବା ପରେ ଏହା ଡ୍ରଗ୍ସ ବୋଲି ଜଣା ପଡିଥିଲା | ବ୍ୟାଗ ଭିତରେ ୭୮ କିଲୋଗ୍ରାମର ଡ୍ରଗ୍ସ ଥିବା ବେଳେ ତାହାର ମୂଲ୍ୟ ୨୩୪ କୋଟି ଟଙ୍କା ବୋଲି ଜାଣି ମତ୍ସ୍ୟଜୀବୀମାନେ ଆଶ୍ଚର୍ଯ୍ୟ ହୋଇଯାଇଥିଲେ | ତେବେ ଏତେ ଟଙ୍କାର ଜିନିଷ ଜାଣିବା ପରେ ମଧ୍ୟ ମତ୍ସ୍ୟଜୀବୀମାନେ ତାକୁ ପୁଲିସକୁ ହସ୍ତାନ୍ତର କରିଥିବା ଜଣା ପଡିଛି |
ତାମିଲନାଡୁର ନାର୍କୋଟିକ୍ସ ଇଣ୍ଟେଲିଜେନ୍ସ ବ୍ୟୁରୋ କ୍ରାଇମବ୍ରାଞ୍ଚ ବିଭାଗର ଅଧିକାରୀ କହିଛନ୍ତି ଯେ, ଏହା ଏକ ବହୁମୂଲ୍ୟ ଡ୍ରଗ୍ସ। ଏକ କିଲୋ ଡ୍ରଗ୍ସର ମୂଲ୍ୟ ପ୍ରାୟ ୩କୋଟି ଟଙ୍କାରୁ ଅଧିକ | ଏହି ଡ୍ରଗ୍ସଗୁଡ଼ିକୁ ଶ୍ରୀଲଙ୍କା ଦେଇ ମାଲେସିଆକୁ ପଠାଯିବାର ଯୋଜନା ଥିଲା ବୋଲି ପୁଲିସ ସନ୍ଦେହ କରୁଛି। ଏହି ଡ୍ରଗ୍ସ ପ୍ରାୟତଃ ରେଭ୍ ପାର୍ଟିରେ ବ୍ୟବହୃତ ହୁଏ | ଯଦି କେହି ଏହି ଡ୍ରଗ୍ସ ସହିତ ଧରାପଡେ, ତେବେ ତାକୁ ୨୦ ବର୍ଷ ଜେଲଦଣ୍ଡ ଦିଆଯିବାର ଆଇନ ରହିଛି | ବାରମ୍ବାର ଏଭଳି ଭୁଲ୍ କରିବା ଦ୍ୱାରା ମୃତ୍ୟୁଦଣ୍ଡ ଦିଆଯିବାର ଆଇନ ମଧ୍ୟ ରହିଛି |