ଠେଲାରେ ଥିବା ପ୍ଲାଷ୍ଟିକରେ ପରିସ୍ରା କରିବାପରେ ହାତ ନଧୋଇ ବିକ୍ରି କଲେ ଫଳ

ନୂଆଦିଲ୍ଲୀ: ମହାରାଷ୍ଟ୍ରର ଡୋମ୍ବିଭଲିରେ ସ୍ଥାନୀୟ ଫଳ ବିକ୍ରେତାଙ୍କର ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ ତାଙ୍କ ଠେଲାରେ ରଖାଯାଇଥିବା ପ୍ଲାଷ୍ଟିକ୍ ବ୍ୟାଗରେ ପରିସ୍ରା କରୁଥିବା ଏବଂ ପରେ ହାତ ନଧୋଇ ଫଳ ବିକ୍ରି କରୁଥିବା ଦେଖିବାକୁ ମିଳିଛି। ଏହି ଭିଡିଓକୁ ଦେଖିବା ପରେ ଲୋକେ ଅସନ୍ତୋଷ ବ୍ୟକ୍ତ କରିଛନ୍ତି। ପୁଲିସ ଏହି ଭିଡିଓକୁ ଆଧାର କରି ଉକ୍ତ ଫଳ ବିକ୍ରେତାଙ୍କ  ବିରୋଧରେ ମାମଲା ରୁଜୁ କରି ତଦନ୍ତ କରୁଛି।

ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳୁଛି ୨୦ବର୍ଷ ବୟସ ଅଲି ଖାନ ଡୋମ୍ବିଭଲିର ନିଲଜେ ଗ୍ରାମ ଅଞ୍ଚଳରେ ଏକ ଠେଲାରେ ଫଳ ବ୍ୟବସାୟ କରନ୍ତି। ଯୁବକଙ୍କ ଏଭଳି କାମ ଦେଖି ଲୋକେ ଅସନ୍ତୋଷ ବ୍ୟକ୍ତ କରି ଠେଲା ନିକଟରେ ପହଞ୍ଚି ଭଙ୍ଗାରୁଜା କରିବା ସହିତ ଅଲି ଖାନଙ୍କୁ ମାଡ଼ ମାରିଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଅଲି ଖାନଙ୍କୁ ଗିରଫ କରିଛି। 

📍Thane, Dombivli
A Muslim fruit vendor caught keeping a urine pouch in his cart, using it & selling fruits with same hands.
An official of Manpada police station said that the 20-year-old fruit seller identified as Ali Khan. The video is from Nilje area. Case registered. pic.twitter.com/UGv2mgIcUa

— Ramsevak Dayanand Nene (@dayanandnene) September 23, 2024

ନିକଟରେ ଗାଜିଆବାଦର ଲୋନି ଅଞ୍ଚଳରେ ଜଣେ ଜୁସ୍ ବିକ୍ରେତା ଫଳରସରେ ପରିସ୍ରା ମିଶ୍ରଣ କରୁଥିବା ଅଭିଯୋଗ ହୋଇଥିଲା। ଏହି ଘଟଣାର ଏକ ଭିଡିଓ ବି ସୋସିଆଲ ମିଡିଆରେ ଭାଇରାଲ ହୋଇଥିଲା।  ପୁଲିସ ଉକ୍ତ ଜୁସ ବିକ୍ରେତାଙ୍କ ଦୋକାନରୁ ଏକ ଲିଟର ପରିସ୍ରା ମଧ୍ୟ ଜବତ କରିଥିଲା। ତେବେ ଲୋକମାନେ ଗ୍ରାହକଙ୍କ ସହିତ ଏପରି କାହିଁକି କରନ୍ତି ।  ଏପରି କରି ବିକ୍ରେତା କ’ଣ ଲାଭ ପାଆନ୍ତି ବୋଲି ସାଧାରଣରେ ପ୍ରଶ୍ନ ଉଠିଛି।