ଡକାୟତ ଗ୍ୟାଙ୍ଗ୍‌ କରି ନିଜ ପଡ଼ିଶା ଘରୁ ଚୋରି କରିବାକୁ ଇଙ୍ଗିତ ଦେଉଥିଲେ ଜଣେ ମହିଳା

ବେଙ୍ଗାଲୁର: ନିଜର ଠକେଇ ସଂସ୍ଥା ବେପାରରେ ସହିଥିବା କ୍ଷତିର ଭରଣା କରିବା ପାଇଁ ବେଙ୍ଗାଲୁରର ଜଣେ ମହିଳା ଏକ ଡକାୟତ ଗ୍ୟାଙ୍ଗ୍‌ କରି ନିଜ ପଡ଼ିଶାଙ୍କୁ ଟାର୍ଗେଟ କରି ଚୋରି କରୁଥିବା ଅଭିଯୋଗ ହୋଇଛି। ୪୭ ବର୍ଷୀୟା ଏହି ମହିଳାଙ୍କ ଗ୍ୟାଙ୍ଗ୍‌ରେ ୧୦ ଜଣ ଡକାୟତ ଅଛନ୍ତି। ସେମାନେ ମହିଳାଙ୍କ ଇଙ୍ଗିତରେ ପାଖ ଆଖ ଘରୁ ଚୋରି କରିଥାନ୍ତି। ମହିଳାଙ୍କୁ ପୁଲିସ୍‌ ରବିବାର ଗିରଫ କରିଛି।

ଏହି ମାମଲାର ମୁଖ୍ୟ ଅଭିଯୁକ୍ତ ଗିରିଜମ୍ମା। ବେଙ୍ଗାଲୁରୁର କୋନାନକୁଣ୍ଟେ ଓଲ୍‌ଡ ବ୍ୟାଙ୍କ୍‌ କଲୋନିରେ ରହୁଥିବା ପୀଡ଼ିତ ନରସମ୍ମା ଏବଂ ପ୍ରଭାବତୀ ପୁଲିସ୍‌ରେ ଖବର ଦେବା ପରେ ପୁଲିସ୍‌ ଘଟଣାର ତଦନ୍ତ କରିଥିଲା। ଅନ୍ୟ ଅଭିଯୁକ୍ତମାନଙ୍କ ଭିତରେ ଅଛନ୍ତି ରାଜୁ, ଲିଙ୍ଗରାଜୁ, ସୁରେଶ, ରଘୁଭରନ, ଷ୍ଟେଫେନ୍‌ ରାଜ, ସତିଶ, ରାଜେଶ, ଅବଦୁଲ୍‌ ସମେଦ, ମଣିକାନ୍ଥନ ଓ ସତିଶ କୁମାର।

ପ୍ରାଥମିକ ତଦନ୍ତରୁ ଜାଣିବାକୁ ମିଳିଛି ଯେ ୩ ଜଣ ଡକାୟତ ଅଭିଯୁକ୍ତଙ୍କ ଘରେ ପଶି ପ୍ରାୟ ୨୯୮ ଗ୍ରାମ୍‌ ସୁନା ଚୋରି କରି ନେଇଛନ୍ତି। ପୁଲିସ୍‌ ଅଭିଯୋଗ ପାଇବା ପରେ ତଦନ୍ତ କରିବା ସମୟରେ ଗିରିଜମ୍ମାର ଆଚରଣ ସନ୍ଦେହଜନକ ଲାଗିଥିଲା। ଫଳରେ ପୁଲିସ୍‌ ସତ ପାଖରେ ସହଜରେ ପହଞ୍ଚିବାରେ ସମର୍ଥ ହୋଇଛି।