କୋରାପୁଟ: ବେଆଇନ ଗଂଜେଇ ଚେରା ଚାଲାଣ ଅଭିଯୋଗରେ ଜୟପୁର ସଦର ପୁଲିସ ୨ ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ମଧ୍ୟପ୍ରଦେଶର ଉଜୈନ ଜିଲ୍ଲା ଉନହିଲ ଥାନା ଅନ୍ତର୍ଗତ ନାଗଝିରି ଗାଁର ରୋଶନ ଶାହଙ୍କ ପୁଅ ମୁକାଦର ଶାହ ଫକୀର (୩୬) ଓ ମାଣ୍ଡିକ ଥାନା ଅନ୍ତର୍ଗତ ନଗଡ଼ା ଗାଁର ବିନୟ ଛରୀଙ୍କ ପୁଅ ପୂଜା ଛରୀ (୩୦)ଙ୍କୁ ଗିରଫ କରିଛି। ପୁଲିସ କହିଛି ଯେ, ଜବତ ଗଂଜେଇ ମଧ୍ୟପ୍ରଦେଶକୁ ଚାଲାଣ ହେଉଥିଲା।
Sambad is now on WhatsApp
Join and get latest news updates delivered to you via WhatsApp
ବିଶ୍ବସ୍ତ ସୂତ୍ରରୁ ଜୟପୁର ସଦର ଥାନା ଓଆଇସି ଏ ମହାକୁର ସୂଚନା ପାଇଥିଲେ ଯେ, ବୈପାରୀଗୁଡ଼ା ଅଂଚଳରୁ ଏକ ବାଇକରେ ଗଂଜେଇ ଚାଲାଣ ହେଉଛି। ଏହା ପରେ ମହାକୁର ନିଜର ଟିମ୍ ଏସ୍ଆଇ ଏସ୍କେ ପଣ୍ଡା ଓ ଟିମ ଟାକୁଆ ନିକଟ ଘଟଣାସ୍ଥଳକୁ ପହଂଚିଥିଲେ। ପୁଲିସ ଟିମ ଅପେକ୍ଷାରେ ଥିବା ବେଳେ ଚାଲାଣକାରୀମାନେ ଏକ ବାଇକରେ ଘଟଣାସ୍ଥଳକୁ ଗଂଜେଇ ନେଇ ପହଂଚିଥିଲେ। ତଦନ୍ତ ସମୟରେ ଅଭିଯୁକ୍ତମାନଙ୍କ ଠାରୁ ୫୦ କିଲୋ ଗଂଜେଇ ଜବତ ହୋଇଥିଲା।