ଭିଡିଓରେ ଦେଖନ୍ତୁ ଟଙ୍କା ବାହାର ନ କରି ପାରିବାରୁ କିଭଳି ଏଟିଏମ୍ ମେସିନ୍କୁ କାର୍ରେ ବାନ୍ଧି ନେଇଗଲେ ଚୋର
ସତନା : ମଧ୍ୟପ୍ରଦେଶର ସତନା ଜିଲ୍ଲାରେ ଚୋରମାନେ କରିଥିବା କାମ ଏବେ ଚର୍ଚ୍ଚାର ବିଷୟ ପାଲଟିଛି । ଏଟିଏମ୍ ମେସିନ୍ରୁ ଟଙ୍କା ବାହାର ନ କରି ପାରିବାରୁ ଚୋରମାନେ ଏଟିଏମ୍ ମେସିନ୍ ତାଡ଼ି ନିଜ କାର୍ରେ ବାନ୍ଧି ନେବା ଘଟଣା ଏବେ ସ୍ଥାନୀୟ ଅଞ୍ଚଳରେ ଆଲୋଚନାର ବିଷୟ ପାଲଟିଛି । ଏଟିଏମ୍ ଚୋରି ହେବା ସମୟରେ ସେଥିରେ ୨୯.୫୫ଲକ୍ଷ ଟଙ୍କା ଥିଲା ବୋଲି ଜଣାପଡ଼ିଛି । ଘଟଣାଟି ଶୁକ୍ରବାର ସକାଳ ସମୟରେ ଘଟିଥିବା ବେଳେ ଏହାର ସିସିଟିଭି ଭିଡିଓ ସାମ୍ନାକୁ ଆସିଛି । ଭିଡିଓରେ ଚୋର କାର୍ରେ ଏଟିଏମ୍ ମେସିନ୍ ବାନ୍ଧି ଘୋଷଡ଼ି ଘୋଷାଡ଼ି ନେଉଥିବା ଦେଖିବାକୁ ମିଳିଛି । ପୁଲିସ ଭିଡିଓ ଆଧାରରେ ଏତଲା ରୁଜୁ କରି ଯାଞ୍ଚ ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
सतना के अमरपाटन में एटीएम की चोरी ,वाहन से घसीटते ले गए कैश भरी एटीएम । @OfficeOfKNath pic.twitter.com/xBvYHst8uK
— Rahul Ahir (@rahulahir0) September 28, 2019
ସୂଚନା ମୁତାବକ, ଘଟଣାଟି ଘଟିଥିଲା ଅମରପାଟନ ଥାନା କ୍ଷେତ୍ରରେ । ଗୁରୁବାର ବିଳମ୍ବିତ ରାତିରେ ଚୋରମାନେ ଅମରପାଟନ-ସତନା ମାର୍ଗରେ ଥିବା ଏସ୍ବିଆଇର ଏଟିଏମ୍ ଭାଙ୍ଗି ଫେରାର ହୋଇ ଯାଇଥିଲେ । ଏହି ଘଟଣାର ଭିଡିଓ ଏବେ ଟୁଇଟ୍ର ସେୟାର କରାଯାଇଥିବା ବେଳେ ତାହା ଭାଇରାଲ ହେବାରେ ଲାଗିଛି ।