ନିଜ ଦେହରେ ଯୌନଉତ୍ପୀଡ଼କଙ୍କ ନାଁ ଲେଖି ଜୀବନ ହାରିଲେ ଉତ୍ତରପ୍ରଦେଶର ଯୁବତୀ
କାନପୁର: ତାଙ୍କର ମୃତ୍ୟୁ ପାଇଁ ଦୁଇ ଜଣ ସ୍ଥାନୀୟ ଯୁବକ ଦାୟୀ ବୋଲି ନିଜ ସର୍ବାଙ୍ଗରେ ସ୍ୟୁସାଇଡ୍ ନୋଟ୍ ଲେଖି କାନପୁର ଦେହାତ ଅନ୍ତର୍ଗତ ସିକନ୍ଦରା ଅଞ୍ଚଳର ଜଣେ ବି. ଏ. ପଢ଼ୁଥିବା ଜଣେ ଛାତ୍ରୀ ଜୀବନ ହାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ନୋଟ୍ ଅର୍ଥାତ୍ ମୃତା ଯୁବତୀଙ୍କ ଶରୀରରେ ଲେଖା ଅଛି: ମୁଁ ଆତ୍ମହତ୍ୟା କରୁଛି; ମୋ ଆତ୍ମହତ୍ୟା ପାଇଁ ପାଖ ଗାଅାଁର ଦୁଇ ଯୁବକ- ସଞ୍ଜୟ ଓରଫ୍ ସଞ୍ଜୁ, ତା’ର ଭାଉଜ ରୁବି ଏବଂ ସାଙ୍ଗ ସୋନୁ ଦାୟୀ। ଦୟାପରବଶ ହୋଇ ସେମାନଙ୍କୁ ଦଣ୍ଡବିଧାନପୂର୍ବକ ଫାଶୀ ଦିଅନ୍ତୁ।
ଅତିରିକ୍ତ ପୁଲିସ ସୁପରିଣ୍ଟେଣ୍ଡେଣ୍ଟ୍ ଅରୁଣ କୁମାର ଶ୍ରୀବାସ୍ତବ କହନ୍ତି: ଯୁବତୀଙ୍କୁ ଦୁଇ ଜଣ ଯୁବକ ଯୌନନିର୍ଯାତନା ଦେଇଥିଲେ ବୋଲି କୁହାଯାଉଛି। ଯୁବତୀ ନିଜ ଶରୀରର ଭିନ୍ନ ଭିନ୍ନ ଅଙ୍ଗରେ ଲେଖିଥିବା ସ୍ୟୁସାଇଡ୍ ନୋଟ୍ ଆଧାରରେ ଉଭୟ ଅଭିଯୁକ୍ତଙ୍କୁ ଗିରଫ କରାଯାଇ ଭାରତୀୟ ପିଙ୍ଗଳ କୋଡ୍ର ବିଭିନ୍ନ ଦଫାରେ ବୁକ୍ କରାଯାଇ ଜେଲ୍ ପଠାଇ ଦିଆଯାଇଛି।